Мағжан Жұмабаевтың жастарға деген сенімі ақталуда ма?

Бәрімізге белгілі,жастарға рух беретін "Мен жастарға сенемін!" өлеңін Мағжан Жұмабаев атамыз жазған болатын.Жазып қана қоймай,сол өлең арқылы өзінің жастарға шынайы сенім артатынын,болашақ ұрпақтан зор үміт күтетінін айтты. "Арыстандай айбатты, Жолбарыстай қайратты. Қырандай күшті қанатты, Мен жастарға сенемін!" - деген шумағынан-ақ біраз үміт көруге болады.Ал, жастар сол үмітті ақтап жатыр ма? "Қазіргі жастар телефонға тәуелді болып қалған!Виртуалды әлемнің құрбандары!" деген пікірлер әлеуметтік желіде де,шынайы өмірде де қызу талқыланады. Бірақ,көпке топырақ шашу үлкен қателік.Ұлттық құндылығымызды дәріптеп,тіліміз бен мәдениетімізді сақтауға ат салысып жүрген жастар жетерлік. Көбіміз ауыз толтырып айтатын Димаш Құдайберген,Дэнис Тэн,тағы да басқа спортшы,әнші,ел алғысына бөленіп жүрген апа - ағаларымызбен мақтанамыз.Осы қатарға қарапайым "қазақша контент" жүргізіп инстаграмм,тикток арқылы тілді дәріптеп жүрген блогер немесе тәуелсіз журналистерді қосуға болады.Бүгінгі жастардың белсенді көзқарасы осы тіл мәселесіне бағытталған.Ал ұстанымдары осы Мағжан,Ахмет,Әлихан,Міржақып сынды тағы да басқа зор тұлғаларымыздың еңбегін ұмытпай,ұлттық құндылығымызды сақтап,ел егемендігі мен тіл тәуелсіздігін биікте ұстап тұру болмақ! Мағжан Жұмабаевтың ойына қиял жүгіртсек: "Біз тер төккен егемендік бар ма?Еліміз аман ба?Жастарға деген сенімім ақталуда ма?" деп сұрар еді. Біз,әрине,кеудемізді тік көтеріп,көзі ашық,көкірегі ояу,ұстанымы нық,тілі таза жастарымызды мақтанышпен көрсете аламыз! Дәл бүгінгідей ертеңгі күнде де Қазақстанымыздың туын биік көтеріп,ел үміті мен Мағжан атаның сенімін ақтайтын жастар бойжететініне сенімдімін! Мен жастарға сенемін!