Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Біз - бақытты баламыз. Сценарий
Материал жайлы қысқаша түсінік: Сынып жетекшіге арналады
Материалды ашып қарау
Біз – бақытты баламыз фестиваль-байқауының сценарийі

І жүргізуші:
Армысыздар өнер сүйер қауымдарым,Жайнасын көңілдердің жасыл бағы.Ән – шашу, әсем – әуен, түрлі өнер.Бүгінгі күн сіздерге арналады.ІІ жүргізуші:
Ұрпақпен өмір жолы жалғанады,Көңілді күндер тусын алдан әлі,Сіздер үшін осы кеш ашылады,Сіздер үшін өнерпаздар сайысады.


1 жүргізуші:
Армысыздар, ұлағатты ұстаздар,
Бармысыздар, жадыраған жас достар.
Бүгінгі Рухани жаңғыру бағдарламасын жүзеге асыру аясында Астананың 20 жылдығына, Оралхан Бөкейдің 75 жылдығына, лицейдің 25 жылдығына арналған Біз – бақытты баламыз фестиваліне қош келдіңіздер!

2 жүргізуші:
Құрметті қауым! Қазақ басына қандай заман туып жатса да , қазақтың жиын тойы қай кезде де аз болмаған. Ал сондай әр жиын, әр тойдан кейін ауыздан түспей айтылып жүрер, есінде қалар қызығы, айрықша оқиғасы –сол тойда шырқалар ән мен тыңдаған күйі екендігі анық. Ендеше киелі сахнаның төріне 5 В сыныбының күйшілерінен құралған оркестрді Келіншек күйімен қарсы алайық!

1 жүргізуші:
Ән де, күй де еріккеннің ермегі емес, адам жанының айнасы, өмір құбылыстарының көрінісі. Өмірдің алды ыстық болса, арты қайғы – мұң. Әсем әуезді ән - адам өмірінің тамаша бейнесі. Ендеше келесі жас өренімізге жол береміз. Ортада Тілеуді Аружан Беу, айдай әнімен, қошеметтеп қарсы алайық!

2 жүргізуші:
Аға!
Сені сағындым расыменен,
Бұл өлең – Сағынышты басу өлең.
Қаламымды қайғыға малып қойып,
Өлең жаздым көзімнің жасыменен.
Келесі кезекте Оралхан Бөкей ағамызға арналған арнауды қабыл алаңыздар! Сахнада көркемсөз шебері, республикалық, халықаралық көркемсөз сайыстарының жеңімпазы Қабдыкенова Еңлік! Қарсы алыңыздар!

1 жүргізуші:
Жақсы әнші өнеге,Сегіз қырлы, бір сырлы.Өнерді үйрен бір - бірлеп,Ән де шырқап, би билеп.Халық айтса біледі,Талаптыға нұр жауар,Өнерлі өрге жүзер,Талаптылар құр қалма! - деп, сыныбымыздың жез таңдай әншісі Ермуханбетова Нұрайды және биші қыздарымызды Айта берсін әнімен қарсы алыңыздар!

2-жүргізуші:
Сахнада 5-В сыныбының оқушыларынан құралған хор Ана әнімен. Қарсы алыңыздар!!!

2 жүргізуші:
Осымен Біз – бақытты баламыз фестивалі өз мәресіне жетті. Көпшілік құрметіне бөленген өнерпаздарымыз алдағы уақытта көптеген байқаудың жеңімпаздары атанып, орындаушылық шеберлігімен талғампаздығымен үлкен – үлкен табыстарға жете берулеріңізге тілектеспіз дей келе шағын концерттік кешімізді аяқтай отырып өнер талантты өсіреді деген ақын сөзінен қуат алып, асыл мұраны сақтап, өркендете берейік дегім келеді. Көңіл бөліп тамашалағандарыңызға көп рахмет! Аман-сау болыңыздар!!!
Материалды жүктеу (Скачать)
Авторы:
Мейрамбаева Сая Сайранбековна
Жарияланған уақыты:
2020-03-16
Категория:
Сынып жетекшісі
Бағыты:
Ойындар, Сценарийлер
Сыныбы:
5 сынып
Тіркеу нөмері:
№ C-1584347182