«Тарихи тұлғалар» факультативтік курсының оқу бағдарламасы.11 сынып

«Тарихи тұлғаларды оқыту арқылы өнегелі ұрпақ тәрбиелеу» тақырыбындағы авторлық бағдарламада дүнежүзі тарихы, география, әдебиет,музыка,сурет пәндерімен, тығыз пәнаралық байланыс қамтылған. Қандай да мәселені шешуде оқушылардың қалай ойлайтындығын, олардың ой-өрісін біліп отырудың маңызы зор. Өйткені бұл- оқушылардың қаншалықты пайымдай білетіндігін, оқыған материалды жақсы меңгергендігін анықтауға мүмкіндік береді. Оқушы білімін бағалауда көп талап қойылады. Бүгінгі күннің талабы оқушыны үнемі бағалап отыру, қалыптастырушы бағалау. Өз білімін оқушының өзіне бағалатып, өз білімінің деңгейін өзіне ұғындыру . Оқушы өз білімін көтеруге талпынады. Шығармашылық жұмыс жасайды. Олардың білімін тапсырмалар беру арқылы анықталады. Өзіндік жұмыс тапсырмалары беріледі. Оқушы пікірін тыңдау өте маңызды. Пікірлесу арқылы оқушы білімін бағалау.

Сабақтарда пікірсайыс әдістемесін түрлендіре пайдалану оқушыларды ізденуге, сөйлеу дағдыларын жетілдіруге көмектеседі.- өзіндік ой-пікірін жүйелі, дәйекті айта білуге, мәдениетті сөйлеуге баулиды;- шығармашылық қабілеті шыңдалады, шұғыл шешім қабылдай білуге үйренеді, кітапханамен байланысы нығаяды; - оқушылар сөйлеу мәдениетіне қойылатын талаптарға мән бере отырып, шешен сөйлеуге, шешендік өнерді үйренуге машықтанады

Қазақстан тарихын қосымша мәліметтер арқылы арқылы терең меңгерту, тәуелсіз еліміздің төл тарихын қызықты деректер арқылы кеңейте оқытудың барлық жағы да қарастырылған. Қосымша деректер, тарихи фактілер, құжаттар, оқиғалар аталмыш курсты оқытудағы негізгі материалдар болып табылады. Курстың ерекшелігі – Қазақстан тарихы жайлы мектеп бағдарламасынан тыс қызықты материалдарды нақты деректер арқылы оқыту. Сонымен қатар Отан тарихының аса маңызды кезеңдерінен басты ғылыми мәселелері іріктеліп алынған. Ұсынылып отырған курс тарихқа ерекше ынта білдірген оқушылардың отан тарихынан білімін кеңейте түсуіне жағдай жасаумен қатар тарихқа деген қызығушылығын арттырып, тарихты құрметтей түсуге септігін тигізері сөзсіз.