Ашық сабақ

Абай Құнанбайұлының 175 жылдығына арналған ашық сабақ. Сабақ жаңартылған білім мазмұнына сай құрылған. Жаңа Әдіс-тәсілдер қамтылған. Абай Құнанбайұлының 175 жылдық мерей тойын қазақ елі болып, қазақ тілі мамандары болып бірлесе атқару біздің борышымыз. «Абай – ұлы кемеңер» тақырыбына құрылған сабағым жаңартылған білім мазмұнына сай жасалған. 6-сыныпта өткізілді. Сабақтың оқушы үшін берері өте зор. Абайдың өмірі, қара сөздеріне, өлеңдеріне шолу жасалады. Сонымен қатар оқушылар Абай көркем фильмінен үзінді көре алады. Оны өзіміздің ана тілге аударады. Бұл жерде үштілділік қамтылады. Тыңдалым материалы арқылы, диалог құрайды. Диалог қарапайым тілде емес. Абай жаңа заман жастары арасында диалогке түседі. «Абай – дара ақын» тақырыбына эссе, «Абай – дана» тақырыбына ойтолғау жазады. Эссе мен ойтолғау заманауи тұрғыдан жазылады. Оқушылардың көзқарасын, жаңашылдығын осы жерден көре аламыз. Бұл жерде тағы қосымша оқушы шығармашылығын дамыта отырып, еркіндік береміз. Абай Құнанбайұлына бірнеше сағат бөлінген. Осы сағаттар аясында оқушы білімін тереңдете аламыз. Сабақтың он бойында кері байланыс жасалып, бағалау үздіксіз жүргізіледі. Сабақ соңында ең алғыр заманға бейім оқушы ең көп жүлдызша жинап шығады. Топтық жұмыстың маңыздылығы, ауызбіршілікке ұйымшылдыққа тәрбиеленеді. 40 минут аралығында бірнеше тапсырманы орындап үлгереміз. Оқушы бойында шапшаңдық, сабаққа деген қызығушылықтары арта түседі. Сабақтың барысында дарынды, қабілетті оқушыларды шыңдай аламыз. Жаңартылған білім мазмұны аясында құрылған сабақ өз мақсатына еркін жетеді.