Ашық сабақ «Оқушыларды тәрбиелеудегі халықтық тәрбиенің мәні»

Кіріспе. Топта ынтымақтастық қалыптастыру Студенттерге өзін-өзі бағалау парақшасы таратылады. 1. Өткен тақырып бойынша сұрақтар қойылады 2. 1.Сынып сағаты- оқушылардың танымдық қабілетін дамыту жолдары 2.Сынып сағаты аптасына 2 рет өткізіледі. 3.Мектептегі тәрбие жұмысын ұйымдастырудың негізгі формасы- сынып сағаты 4. Сынып сағаты- тек дау-жанжал шешеді 5.Сынып сағатының тақырыбы сан алуан,тәрбие салаларына, мінез-құлық мәдениетіне, өзекті мақалаларды талқылауға, өмірі қызық адамдармен кездесу өткізуге, мектепшілік шараларға қатысуға, психологиялық тренингтер өткізуге,т.б.тақырыптарға арналады. 6. Сынып сағатын пән мұғалімі өткізеді 7.Сынып сағаты- оқушылардың танымдық қабілетін дамытады

Ата-бабамыз әрқашан жесір мен жетімін жебеген, үлкенін сыйлап, кішісіне ізет көрсетіп, мейірім мен қамқорлықты ту еткен. Ал қазіргі кездегі әлеуметтік өткір мәселелердің бірі – тірі жетім балалардың көбеюі. Бүгін қоғамда баласын далаға өз еркімен тастап кететіндердің қатары көбеюде. Ұлы данышпанымыз Абай «Күллі адам баласын қор қылатын үш нәрсе бар, содан қашпақ керек: әуелі – надандық, екіншісі – еріншектік, үшіншісі - зұлымдық»,-деген екен. Адамның айтуға аузы, көруге көзі қорқатын сорақы, сұмдық жағдайлардың жиілеуіне белгілі бір адамдар тобын ғана кінәлап, сырттай ғана бақылап отыруға болмайды. Бұл сұмдық қалыпты жағдайға айналмай тұрып, алдын-алуға әрқайысымыз атсалысуымыз керек.

Отбасылық құндылықтар дегеніміз бір-бірін сүйіп қосылған жанұялардың отбасын сақтау үшін қолданатын ежелден келе жатқан салт-дәстүрі. Әрбір отбасының өз құндылықтары болады. Ол құндылықтар ежелден бері келе жатқан немесе жаңадан шығарылған құндылықтар болуы мүмкін Қазақ халқының ұлттық тәрбиесі – әлемде теңдесі жоқ тәрбие. Жалпы «ұлттық» деген сөздің астарында елге-жерге, тілімізге, дінімізге деген құрмет жатыр. Ал осы ұлттық тәрбиені бала бойына сіңіруде бастауыш сыныпта атқарылатын жұмыстың орны ерекше. Яғни тәрбие алуды сәби ана құрсағынан бастаса, оны білім теңізінің мектеп атты кемесінде ұлттық құндылықтарымызбен жетілдіру өте маңызды. Балабақша, мектептерге ұлттық тәрбие енгізу арқылы біз ұлтжанды, парасатты ұрпақ өсіретініміз айдан анық. Рухы асқақ, іргесі берік ел боламыз десек, ең бастысы, ұрпақ тәрбиесі мен біліміне сергек қарауымыз қажет. Бұл жөнінде Абай атамыз: «Балаға мінез үш алуан адамнан жұғады: бірінші – ата-анасынан, екіншісі – ұстазынан, үшіншісі – құрбысынан», – деген екен