АТМОСФЕРАЛЫҚ АУА САПАСЫН МАТЕМАТИКАЛЫҚ ЖӘНЕ КОМПЬЮТЕРЛІК МОДЕЛЬДЕУ: ҒЫЛЫМ МЕН БІЛІМ БЕРУДЕГІ ЖАҢА КӨКЖИЕКТЕР

Әл-Фараби атындағы ҚазҰУ Механика-математика факультеті Математикалық және компьютерлік модельдеу мамандығының 1-курс магистранты Танашова М.Е. Әл-Фараби атындағы ҚазҰУ Филология факультетінің оқытушысы Куралова А.Т. АТМОСФЕРАЛЫҚ АУА САПАСЫН МАТЕМАТИКАЛЫҚ ЖӘНЕ КОМПЬЮТЕРЛІК МОДЕЛЬДЕУ: ҒЫЛЫМ МЕН БІЛІМ БЕРУДЕГІ ЖАҢА КӨКЖИЕКТЕР Қазіргі уақытта ғылыми зерттеулер ғылым мен білімнің дамуы аясында ерекше маңызға ие болуда. Әл-Фараби атындағы Қазақ Ұлттық университеті өзекті мәселелер үшін жаңа тәсілдер мен шешімдерді ұсына отырып, түрлі салаларда зерттеулермен белсенді айналысады. Университетте жүргізілген маңызды ғылыми зерттеулердің бірі Қазақстанның өнеркәсіптік қалаларында атмосфералық ауа сапасын математикалық және компьютерлік модельдеуге арналған ғылыми зерттеу жұмысы болып табылады. Деректер бойынша Қазақстан ауаның ластану деңгейі бойынша әлемде 35–ші орында. Атмосфералық ауаның ластануының негізгі көздері өнеркәсіптік кәсіпорындардың, энергетика мен автокөліктердің шығарындылары. Жұмыстың негізгі аспектілерінің бірі - химиялық қоспалардың адам денсаулығы мен қоршаған ортаға әсерін талдау. Зерттеу нәтижелері ауаның ластану көздерін анықтап қана қоймай, оның болашақтағы өзгерістерін жоғары дәлдікпен болжауға мүмкіндік береді. Айта кету керек, бұл жұмыс тек академиялық қызығушылықпен ғана шектелмейді. Оның нәтижелері басқа салаларда, соның ішінде педагогикада да сұранысқа ие. Қазіргі білім беруде инновациялық тәсілдерге деген ұмтылыс байқалады және экология мен ауа сапасы саласында ғылыми зерттеулерді енгізу осы бағыттағы маңызды қадам болып табылады. Бұл ақпаратты әртүрлі пәндердің оқу жоспарларына біріктіру студенттер үшін жаңа мүмкіндіктер ашады. Білім алушылар биология немесе экология курстары арқылы ауаның ластануының денсаулыққа әсерін зерттей отырып, оның география курстарындағы аймақтың географиялық ерекшеліктеріне әсерін талдай отырып, практикалық сабақтар мен зертханалық жұмыстарда ауа ағындарын жеке зерттеу және модельдеу арқылы өздерінің аналитикалық және зерттеу дағдыларын дамытады. Білім беру мекемелеріндегі экологиялық тәрбие табиғатқа жауапкершілікпен қарауды қалыптастыруда шешуші рөл атқарады. Білім беру процесінде диссертациялық зерттеулердің нәтижелерін пайдалану қоршаған ортаны қорғаудың маңыздылығын түсінуге көмектесіп қана қоймай, болашақ ұрпақты әлемдік экологиялық мәселелерді шешуге дайындауға ықпал етеді. Осылайша, Әл-Фараби атындағы Қазақ Ұлттық университетінде жүргізіліп жатқан ғылыми жұмыс біздің ауа сапасы мәселесін түсінуімізді кеңейтіп қана қоймай, білім берудегі жаңа перспективаларды ашады, болашақ ұрпақ арасында экологиялық сауаттылық пен қоршаған ортаға жауапкершілікпен қарауды қалыптастыруға ықпал етеді.