Бәсекеге қабілетті маман даярлау – басты мақсат

Қазақстан тәуелсіздік алғаннан бері тұрақты дамып, жаңарған экономикасымен, өзіндік әлеуметтік саясатымен, тірегі мықты мемлекет ретінде қалыптасты. Өзімізге белгілі 1997 жылы Ел Президентінің ең алғашқы жолдауы «Қазақстан-2030» Стратегиясы қабылданған болатын. Сол жолдаудағы негізгі бағыттардың мерзімінен бұрын жүзеге асырылуы,еліміздің дамуына себеп болды.Сондықтан Елбасы Н.Ә.Назарбаев дамудың жаңа белесін 2050 - жылға дейін белгіледі.Өйткені,күшті, қуатты мемлекеттер ғана ұзақ мерзімдік жоспарлаумен,тұрақты экономикалық өсумен айналысады. Елбасымыздың биылғы Жолдауы –- егемен еліміздің тұрақты дамуын қамтитын, мемлекетіміздің барлық саласына серпін беретін, халқымыздың игілігін көздейтін шынайы жоспарға құрылған тарихи құжат болып табылады.Осы стратегиялық құжатта Президентіміз мемлекеттік қызметтің барлық саласын қамти отырып, тәуелсіз Қазақстанды дамытудың, әрбір қазақстандықтың, әрбір отбасының, жастардың және келешек ұрпақтың мүддесін қорғаудың нақты жолдарын ұсынды. Жолдауда өмірдің барлық салалары бойынша нақты тапсырмалар беріліп, бағыттар айқындалды.