Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Ерлік ер мұраты
Материал жайлы қысқаша түсінік: Сыныптан тыс іс-шара
Материалды ашып қарау
Бейсембаева Бибігүл Адығұл қызы №86 мектеп-гимназия



Тақырыбы: ЕР ЕСІМІ-ЕЛ ЕСІНДЕ(Ұлы Жеңіске 69-жылдығына арналады)Сабақтың мақсаты: 1941-1945 жылғы Ұлы отан соғысында неміс басқыншыларын талқандауда Қазақстан халқының майданда және тылда көрсеткен ерен ерлігін паш ету, жас ұрпақты отан сүйгіштікке,ұлт жандылыққа тәрбиелеу.Оқушыларға Ұлы Жеңістің қаншалықты қиындықпен келгенін түсіндіру.2.Елін,жерін Отанын қорғауға,оны сүюге тәрбиелеу.Патриоттық сезімге баулу.Жас жеткіншек ұрпақтарды Отан сүйгіштікке, ерлікке, адалдыққа баулу. Ұлттық патриоттық сезімін қалыптастыру; елін, жерін қорғауға, бейбітшілікті нығайтуға тәрбиелеу. Ұлы Отан соғысында туған жерін қорғаған Қазақстан азаматтары туралы мәлімет беру. Оқушылардың бойына патриоттық сезімін ояту.3.Оқушыны бейбіт өмірдегі батырлық пен соғыс кезіндегі батырлықты салыстырып әңгімелей білуге үйрету.Қолданылған көрнекіліктер;мультимедиялық аппарат, «Жеңіс», «Отан» туралы жазылған нақыл сөздер, т.б.Әдісі: баяндау,пікірталас Көрнекілігі: Ұлы Жеңіске арналып жазылған ерлік туралы суреттері,бүктемелер (майданда туған жырлар),Ұлы Отан соғысы батырларының суреттері.Бағдарламасы:I.ЕР ЕСІМІ-ЕЛ ЕСІНДЕ(әдеби-монтаж,музыка әуені,бейне таспа)2.Майданда туған жырлар... (мәнерлеп оқу)3.Кеше,бүгін4.ҚорытындыМұғалім: Кіріспе.Бүгінгі тәрбие сағаты Ұлы Жеңістің 69 жылдығына байланысты. Сан мыңдаған ер азаматтардың өмірін қиған Ұлы Отан соғысының әлемдік тарихтағы орны зор. Бес жыл бойы дүниені дүрліктірген соғыста небір жанқиярлық ерліктер жасалды. Небір сын сәттерде Отан үшін отқа кеудесін тосқан аға ұрпақтың қатарында қазақ халқының батыр қыздары мен ұлдары да болды. Соның ішінде Кеңес Одағының Батырлары туған жерді қасиет тұтып, ата-мекенді ардақтап Отанын қорғауда үлкен ерлік көрсетті. Қанға боялған даласы, аңыраған анасы, жетім қалған балалар үшін шайқасты.Бүгінгі тәрбие сағаты халқымыздың Ұлы Отан соғысындағы тарихи көтерілісі мол Ұлы Жеңіске арналады.Бұл соғыстың салған жарасы әлі күнге дейін барлық ұлттың жүрегінде толық жазылмады,әлі сақтаулыда мұны біз ешқашанда ұмытпаймыз.Осы жарқын өмірді сыйлаған әке,аға,әпкелеріміздің ерлігі бізге мәңгі үлгі.1-жүргізуші: Шығыста таң шапағы жаңа біліне бастаған кез.Еңбек адамдары қаннен-қаперсіз ұйқыда болатын.Келесі күн жексенбі еді.Кенет батыс жақтан қызылды-жасылды оттар шекараға тақап,ұшақтар гүрілдеп ұшып келеді.1941 жылы 22 маусым күні таңғы сағат 4-те таң шапағы жаңа ғана арайлап келе жатқан кезде фашистік Германия тұтқиылдан Кеңес Одағына опасыздықпен басып кірді.Соғыс осылай басталды \музыка ойнап тұрады\2-жүргізуші: Суық хабар сол күні-ақ байтақ жерімізге жер-жерден, ауыл-аймақтағы радиодан әйгілі диктор Левитанның қуатты үнімен түгел тарады (Үнтаспадан Левитанның үнін естиді). Ер азаматтар өздері сұранып майданға аттанады.Көрініс: «21 июнь 1941 жыл»1-жүргізуші: 21 маусым күні Оқушылардың мектеп бітіру кешінен қайтып келе жатқан сәті. Кенет радиодан:»тыңдаңыздар, тыңдаңыздар! Сөйлеп тұрған Москва!1941 жылы 22 маусым фашистік Германия тұтқиылдан соғыс жариялап, елімізге басып кірді.» 1 әйел: «Соғыс, соғыс дейді, естідіңдер ме? Сұмдық-ай енді қайттық? Күніміз не болар екен?» 2 әйел: «Қойыңдар жамандық шақырмай. Ел шетіне жау тисе, арқа сүйер азаматтар бар емес пе?»1 азамат:Ат басына күн туса,Ауыздықпен су ішерЕр басына күн туса, етігімен су кешер – деген бар емес пе, жыламаңдар, жастарыңды тиыңдар?Бәрі: Отан үшін аттанайық!2- жүргізуші:Уа, халқым!Күн туды сенің басыңа,Жау кірді сенің жеріңе,Сұм фашистен қорғауға,Аттан, халқым майданға! 1-оқушы:Фашистік Германияның мақсаты бүкіл кеңес халқын құлға айналдыру, жерін басып алу еді.Германия фюрері Адольф Гитлердің қанқұйлы саясаты кеңес халқын дүр сілкіндірді.2-оқушы:Гитлершілер соғыстың бас кезінде 190 дивизияны,5 мыңдай ұшақты,3700-дей танкті,50 мыңдай қару-жарақ,пулемет пен минометті шабуылға шығарды.Жерімізге басып кірген жау әскерлерінің жалпы саны 5,5 миллион адамға жетті.3-оқушы:Қазақстанда соғыстың алдында 6,2 миллион халық тұратын еді. Осы жылдары республикамыздан 1 миллион 200 мың адам қару асынып майданға аттанды. Республикадан еңбек армиясына 700 мың адам жіберілді. Сонда Қазақстан соғыс жылдары әскери комиссариаттары арқылы 1 миллион 900 мыңдай адам сапқа тұрды. 4-оқушы: Болашақты бізге мирас етем деп,қыршын кетті Әлия мен Мәншүк апалар. 5-оқушы: Халқымыз Москваны қайсарлықпен қорғаған 28 Панфиловшы батырларды ғұмыр бойы құрметпен естерінде сактайды. 6-оқушы: Фашизімнің ордасы Рейхстагқа қазақ жігіті Рахымжан Қошқарбаев Қызыл ту тікті. Соғыстың алғашқы күндерінен-ақ бүкіл халық жан тәнімен өз Отанын қорғауға аттанды. Солардың арасында қазақстандыктарда бар 7-оқушы: Отан қорғау жолыңда қаһармандығымен көзге түскен батыр апамыз Мәншүк Мәметова соғысқа өзі сұранып аттанды. Пулеметші болып «Максиммен» жауды топырлата қырды. Өзім өлсем де, Отаным аман болса екен,- деп армандады. Қазір Алматы қаласында Мәншүк Мәметова атындағы мектеп бар. Оның алдында батырдың бюсті түр. Мектептің ішіне кіріп, дәлізбен жүрсең, бір класстың маңдайшасында былай деп жазылған : «Бұл класста Мәншүк оқыған». Бір парта ақпен сырланған. Бұл партада Мәншүк отырған. Батырдың туған қаласы Оралда Мәншүкке орнатылған ескерткіші бар. Невель қаласында да ескерткіші бар. 8- оқушы: Мәншүк Мәметова Жансығали қызы 1922 жылы 23 қазанда Орал обылысы, Жасқұтта Нарын ауданында туған. Отбасында 5-еу болған. Әке-шешесі қайтыс болғаннан кейін Алматыда апасының қолында болады. Мектепте оқиды, одан кейін Мединститутта оқиды. 1942 жылы Алматыдағы медицина институтын бітіріп, 1942 жылы тамызда соғысқа өзі сұранып аттанады. 9-оқушы: Мәншүк.Сілкінтіп зеңбіректер жердің жүзін,Оқ борап, снарядтар қаққанда ызың.Қаптаған қалың жаудан тайсалмаған,Мен көрдім пилоткалы қазақ қызын.Қолында пулеметі «Максим» оның,Бойында күш-жігері тасқын оның.Ерлермен тізе қосып шабуылда,Оғымен қырғын майдан атты жолын.Көзінен ұшқын оттай лапылдаған,Жауына қанар тігіп, қатуланған.Отан үшін шайқаста ауыр күнде,Төнсе де өлім қаупі жасымаған.

10-оқушы. 1943 жыл. Жау әскері Невель қаласынан шабуылға шықты. Бірақ өжет қыз «Максим »пулеметімен жау аяғын ілгері бастырмады. Ызаланған жау Мәншүкті зеңбірекпен атқылады. Дәл жанында жарылған снарядтың сынығы батыр қыздың желкесіне қадалды. Осыны пайдаланып, жау әскерлері тағы ілгерілей бастады. Мұны көргенде Мәншүк те ызалана түсті. Самайынан көзіне құйылған жылы қанға қарамай, майдандас серігі «Максимге» қайта ұмтылды. Бар күшін жиып, жауды жалын шашқан оқпен қарсы алды. Осы айқаста Мәншүк Отаны, елі үшін асқан батырлық үстінде қаза тапты. Мәншүк Мәметованың ерлігін үкімет аса жоғары бағалап, оған батыр атағы берілді.11-оқушы. Псков облысындағы Невель қаласының тұрғындары оыің есімін мәңгі есте сақтау үшін қаладағы бір көшеге Мәншүктің атын қойды. 1-жүргізуші: Елеңдеумен, келер деумен күндіз-түні,Қайран шеше, білсе уақыт озғанын.Жылдар бойы жүрді-ау үзбей үмітін,Бозаң белден күтіп қыршын боздағын. (Мәншүктің анасына жазған хаты. Мәншүк болып киініп, пулеметтің жанында тұрып, Мәншүктің хатын оқиды). «Қымбатты мама».Көптен күткен хат пен посылканы тура алғы шепке жүргелі тұрған сәтте алдым. Бұл 1943 жылдың 10-шы қыркүйегі еді. Өзіме бір-ақ алма тисе де, мен қатты қуандым. Кішкене сыйлықты мен сияқты күткен жауынгерлер мен командирлер талап кетті. Үлкен рахмет. Жолымыз сәтті болды. Ал қазір, алғы шепте пулеметіммен фашистерді мықтап аңдудамын. Түнде мүлдем дерлік ұйықтамаймыз, ал күндіз тынығамыз. Міне, қалт еткен сәтті пайдаланып, сізге жауап жазып отырмын.Қымбатты әпкетай! Бүгін күндіз сәл тынығайын деп жатыр едім, бірден ұйықтап кетіппін. Сізді түсімде көрдім. Жалпы қазіргі өміріміз көңілді: фашистермен қару тілімен келіссөз жүргізіп жатырмыз.Жеңіспен оралған соң, айтатын нәрсе көп-ақ. Қолыңды қатты қысып, құшып сүйемін. Қызыңыз Мәншүк. Менің майдангер жолдастарым сәлем айтып жатыр.2-жүргізуші:Көрініс. «Мәншүктің жұлдызды сәті».1-ші: Мәншүк Мәметова2-ші: генерал Галицкий3-ші: подполковник Баймолдин4-ші: жауынгерлерҮнтаспадан соғыс даласында жүріп жатқан үндері естіледі.Генерал Галицкий дүрбімен майдан даласын қарап тұрды. Жанында подполковник Баймолдин. Атқыштар ортасының оң қанатымен жүріп отырып, аға сержант Мәметованың пулеметшілер бөлімшесі алға жылжып барады.1. Г.Г- Жарайсың пулемет бөлімшесінің командирі. Қараңдар жолдастар өзінің бөлімшесін қалай жақсы бастап барады, өзі кіп-кішкентай екен.2. П.Б- Жолдас Генерал сіз қазір көріп тұрған бөлімшені қыз бастап барады. Ол - пулемет бөлімшесінің командирі, аға сержант Мәншүк Мәметова.3. Г.Г.- Солай ма? Оны маған таныстырыңыздар.4. П.Б.- Бөлімшелер сапқа тұрыңдар! (Мәншүк бастаған бөлімшелер сапқа тұрады).5. Г.Г.- Сәлеметсіздер ме жауынгерлер! (Сапқа таяп келіп).6. Жауынгерлер – Саулығыңызды тілейміз жолдас генерал.7. Г.Г.- Жарайсыңдар жолдастар. Дұшпанға аямай соққы бердіңіздер. Барлық жауынгерлер мен командирлерге алғыс жариялаймын.8. Жауынгерлер – Отанға адал қызмет етеміз.9. Г.Г.- Шабуыл кезінде пулеметшілер бөлімшенің аға командирі аға сержант Мәметова өз пулеметін дұрыс пайдаланды. Жолдас Мәметова бері келіңіз.10. М.М.- Жолдас генерал, аға сержант Мәншүк Мәметова (генералға таяп келіп).11. Г.Г.- Рахмет саған, қазақ халқының қызы, сен жақсы пулеметші екенсің!12. М.М.- Отаныма адал қызмет етемін!13. Г.Г.- Жасың нешеде, әрі сен майданға қалай тап болып жүрсің?14. М.М.-20 жастамын, жолдас генерал, майданға өз еркіммен келдім. Ал өзім Алматы қаласындағы Медицина институтында оқыдым.15. Г.Г.- Ал пулемет ісін қайдан, қай жерден үйреніп жүрсің.16. М.М.- Осында жолдас генерал.17. Г.Г.- Алдағы шайқастарда саған табыс тілеймін.Мәншүк туралы ән көркем фильмінен үзіндіБ.Момышұлының Т. Бигелдинов жөнінде айтқан сөзі. «Т.Бигелдинов – Ұлы Отан соғысында қазақ халқы ерлігінің ең жоғарғы нүктесі!» «Еріне қарап елін,тасына қарап тауын таны» деген,біздің еліміздің ерлігін ерекше танытқан халқымыздың ардагер ұлы ол.Совет Одағында ұлдары екі рет ер атағын алған ұлт көп емес.Мен өзім 307 рет ұрысқа кірдім.Бірақ мен неше рет ұрысқа кірсем де,табанымды тіреп жерде жүрдім.Жердің әр бұтасы болысады.Жер қазсаң қорғаның болып шыға келеді.Ал Талғат 320 рет әуе жорығына шығып,бес жүз сағаттай аспанда болған.Нағыз ер деп Талғатты айтуымыз керек!»2-жүргізуші: Даламыздың даңқысыңБалауса гүл балғын қыз.Жанын қиып, халқы үшін,Жанып түскен ақ жұлдыз.13- оқушы: Қаһарман қыз Әлия Молдағұлова Қобданың жағасындағы Бұлақ ауылында 1923 жылы шамамен 15 маусымда өмірге келген. 1933 жылы анасы қайтыс болғаннан кейін әжесі Тәжікеннің тәрбиесінде, апасының сіңлісі Сапурамен бірге тең дәрежеде жүрді. Нағашы ағасы Әубәкір қызмет бабымен Әулие-Атаға көшіп келеді. Сол жерде №11 темір жол мектебіне Әлия 1-ші сыныпқа 1934 жылы қабылданады. Молдағұловтар отбасы Мәскеуге көшіп келеді де Әлия мен Сапураны 1935 жылы №35 Мәскеу орта мектебіне береді. Сол жерде 1938 жылдың наурызына дейін оқиды. Отбасының жағдайына байланысты Молдағұловтар Әлияны Ленинградтағы №46 балар үйіне береді. Ол №140 орта мектепте оқиды. Әлия бір беткей, әділетті шындықты көзге айтатын, қорықпайтын, сыныпта староста болған. Мектепте пионер вожатый қабырға газеті редакция алқасының мүшесі болған. Тәртібі мен білімі үшін «Артек» лагеріне жіберілді. Соғыс басталғанда Әлия комсомолға өтеді14-оқушы:Вятскіде 7-ші сыныпты бітірген Әлия-Рыбинск авиа техникумына түсіп, ұшқыш болып, жауға қырғындай тиюді көкседі. Бірақ бұл мамандықты игеру үшін көп оқу керек болды,ол майданға аттануға асықты. Үш ай оқығаннан кейін Қызыл әскер қатарына өтуге арыз берді. 1942 жылғы желтоқсанында үздік мерген атқыштар даярлайтын орталық әйелдер курсы ашылды. 17 жастағы Әлия сол курстың алғашқы тобына 1942 жылы өзі сұранып, әрең қабылданады. 1943 жылы 23 ақпанда оқуын аяқтап, алғы шепке кету арманына жетті. Әлия Солтүстік майданға келді.15-оқушы: Айнала орман алаң бірТоқтаған атыс белеңде.Жалт ете қалды командир,Мергендер келді дегенде.Сәби ғой мынау бауырым,Ернінен уыз кетпеген,Балалық шақтың әлі бір,Балауса табы кетпеген.Жасаған екен батылдық,Жіберген адам мұны да,Жауынгер қане атың кім?Әлия Молдағұлова.2-жүргізуші:Сапура жаным! Халың қалай?Ауыл-ел тегіс аман ба?Қауырттау кезең боп әрқалайҚол тимей кетті-ау хат жазуға.(Әлияның Сапура әпкесіне соғыста жазған хаты Әлияның киімін киіп, қолында винтовкасы бар).«Сәлем саған Отаным .Сәлеметсің бе, қымбатты сіңілім Сапура. Жиі-жиі хат жазамын деймін саған, бірақ жағдай мүмкіндік бермейді. Сенің жазған хатыңды алған соң бірнеше рет хат жаздым, оны алған, алмағаныңды білмеймін. Жақында менен ұзақ уақыт хат болмаса, таңданба, бұрынғы адреске жаза бер, себебін кейін хабарлармын. Көкеме, жеңешеме және басқа да туыстарға менен көп-көп сәлем айтып хат жазарсың. Егер көре қалсаң, мен үшін балалардың бетінен сүй. Өз денсаулығың, өмірің жайлы жиі хат жаз, көп жаз. Бетіңнен сүйдім Әлия».1-жүргізуші:Көрініс: «Соғып тұр мерген қыздың жүрегі».1. Әлия Молдағұлова2. Командир Попов3. ЖауынгерлерМайдан даласы, пулеметпен атысып жатқан дыбыстар естіліп тұрады. Немістер пулеметпен оқ жаудырып, бас көтертпей тұрады. Әлия Молдағұлова 54 атқыштар бригадасының мергені болып жүріп, талай ұрысты басынан кешіреді. Әлиялардың батальоны жауды Казачиха деревнясынан қуып, Новосоколник-Дно теміржолын кесіп тастау туралы бұйрық берді. Жауынгерлер қарсыласқан жау тобына лап қойды. Жаудың пулемет, зеңбірек, минометтері зарлап қоя берді. Рота командирі Попов еді.1. К.П.- Отан үшін алға! (автоматы көтеріп алға ұмтылады, сол сәтте оқ тиіп құлап түседі).2. Ә.М.- (Жүгіріп келіп командирдің басын сүйеді) Жолдас командир, жолдас командир көзіңізді ашыңызшы (командир жауап қатпайды).3. Ә.М.- Автоматты қыз жолындағы жауды баудай түсіреді. Отан үшін алға!4. Жауынгерлер -(қазақтың жаужүрек қызының артынан уралап ілеседі). Ура! Ура! Отан үшін алға!5. Н.О.- (Әлияның оғынан жараланған.Әлияны артынан пистолетпен атады).6. Ә.М.- (құлап бара жатып неміс офицерін атады). Бұл оның өлтірген соңғы немісі еді7. Жауынгерлер - Бәрі де тыныш тұра қалады. Құлап жатқан Әлияның алдында ант береді; Қайталанбас қаһармандық көрсеткен қазақ халқының батыр қызының кегін жаудан алуға ант береміз. Отан үшін алға!2-жүргізуші:Окоптың ішін шаң жапты,Екеуі де енді тұншықты.Әлия да атты, жау да атты,Екі оқтың даусы бір шықты.Бейнетаспадан майдан даласынан үзінді көріңіздер. Ән: «Әлия» 16-оқушы: Сен құрметте оны Түсіндің бе,қарағым?! Ол ақшаға сатқан жоқ Тізеден кесіп аяғын. 19-оқушы: Отанымызды жаудан қорғау жолында қасық қаны қалғанша шайқасқан Кеңес Одағының Батырлары: (Кеңес одағы батырлар атын әр оқушы жеке-жеке айтады) Әди Шәріпов,Қасым Қайсенов,Нүркен Әбдіріп, Сергей Луганский,Жұмағали Саин,Талғат Бигелдинов,Бауыржан Момышұлы,Рақымжан Қошқарбаев,Григорий Булатов,Сабалақ Оразалиновке бас иеміз.20-оқушы: Олар Отанымыздың кең байтақ жерін қорғады.21-оқушы: Өзі туған халқының өнерін қорғады.22-оқушы: Ақ сүт берген анасын қорғады.23-оқушы: Самал жел ескен даласын қорғады.24-оқушы:Жеңіс келді,қалама Жеңіс келді,даламаЖеңіс келді әке бопЕлдегі бар балаға.Жеңіс келді ән болыпКелді ауылға сән,көрікЖеңіс келді алақай,Тоя жейтін нан болып.Арылтып жаудан жерімді,Табанға жаншып өлімді.Жеңіспен желпіп өмірдіОралды ерлер көңілдіДесеңдер,бұл қай күн?Хормен: Тоғызыншы мамыр күні.Мәнерлеп оқу. Медина 2-жүргізуші: «Бәріде Жеңіс үшін!!! Отан үшін ерлікпен қаза тапқандарды ел әр уақытта да есінде сақтайды. Олар Отан үшін, ел үшін құрбан болды. 1-жүргізуші:Бүгін осы күнге жете алмай, алапат майданда арманда кеткен азаматтарымызды басымызды иіп еске аламыз. 2-жүргізуші:1945 жылдың 30-шы сәуірінде Рейхстаг үстінде Жеңіс жалауы желбіреді. Жеңіс! 8-мамыр Берлин де фашистік Германияның толық жеңілгені туралы құжатқа қол қойылды. 9 мамыр күні Жеңіс Мәскеуде тойланды. 1-жүргізуші: Қамықпаған қиындықтың түсінен, Қамықпаған қиындықтың түгінен. Өздеріңе жинап қырдың гүлінен, Бүгінгі ұрпақ - бақытты ұрпақ атынан, Құттықтаймыз Ұлы Жеңіс күнімен!Ән: «Соғыстан қайтқан солдаттар» Слайд. Жеңіс туралы! 1-жүргізуші: Жеңіс күні бар әлемге әйгілі,Көктем шуақ-9май күні.Айтшы, кәне, біздің жеңіс шеруі,Кездейсоқ па көктемге сай келуі.Ән «Жеңіс»ЖібекТахминаБіздің Ұлы Жеңісіміз көктем боп,Көңілдерге шұғыласын төккен көп.Сонау жылы 9 май күні,Алмастырған қуанышқаСолдаттың көкірегі толы арманы,Оқ жаңбыр астында да жоғалмады,Отан мен анасы үшін «Алға» дедіАмал не,Көпшілігі оралмады.«Алар жау сыбағасын оңбай бізден»,Шығамыз Соңғы күшпен Соңғы айбынмен,Қорғаймыз байтақ елді,Өйткені оныӘр ұрпақ өз тұсында қорғай білген. СабринаЖабады дала төсін нала, қайғы,Шын қайғы жөн кәріге қарамайды,Қып-қызыл көлдің бетін сұңқылдағанАққулар қанатымен сабалайдыАшу менен кек оятты ел намысын,Отан үшін жан пида болды үлкен сын.Ер азамат жауменен арпалысса,Әйелдер терін төкті майдан үшінАналар қоштасқанда асылымен,Арулар қош айтысты ғашығыменБалалықтың базарын ерте жауып,Талай жұмыс істеді бала өркен.Үдетіп соғыс оты қайғы мұңды,Төрт жыл өтті, соғыс әлі бітпей қойды,Кемпір шал, әйел бала ауылдағы,Сеніммен күтуші еді Жеңіс тойды.1-Жүргізуші: Соғыс...Сұрапыл соғыс қанша үйдің адамын ұрлады,қанша үйде оттар сөнді, қанша аналар ұрыс даласынан келген қаралы қағазға сенбей ұлдарын күтумен өмірден өтті, қаншама арулар жесір қалып, сәбилер жетімдіктің зарын тартты.Ән: «Соғыстан қайтқан солдаттар»Көрініс: «Жеңіс»Радио: «Тыңдаңыздар, тыңдаңыздар!Сөйлеп тұрған Москва!1945 жылы 8 мамырда Германияның жоғарғы командованиесі жеңілгендігін мойындап Актіге қол қойды. 9 мамыр Жеңіс күні!Халық қуанысып, бір-бірінен сүйінші сұрасып жатады.«Сүйінші! Халқым, жұртым, сүйінші! Неміс фашистері кеше тізе бүгіп, жеңіліпті! О,жасаған, шынымен қарғыс атқыр соғыстың аяқталғаны ма?»АйгеримКүткен Жеңіс жарқ етті сәуле шашып,Жеңіс келді, қуандық көңіл тойып,Жауды жойып батырлар елге оралды,Ата-анамен қауышты құшақ жайып.Мамыр келді ағаштар бүрін жарып,Бейбіт өмір оралды күні жарық.«Шүкір» деп әжелер жүр ақ жаулықтыңҰшымен көздің жасын сығып алып.Аспанда күн жарқырап күліп тұрды,Бейбіт өмір шаттығы тұнып тұрды.Соғыстан соңғы сәби күлкісіменҚара күндер қайғысын ұмыттырдыОқушылар қарт майдангерді қарсы алады, гүл шоқтарын мәңгілік алауға қояды. Жастарға батасын береді.Ән: «Жойылсын жалғыз сөз соғыс деген.»Оқушылардың барлығы ортағы шығып хормен әнді орындайды«Сарғайса да тарихтың ақ парағы, Ол күндер мәңгі есте сақталады»Қорытынды.Оқ пен оттан аман оралып, ортамызда жүрген аға ұрпақтың жауынгерлік және еңбектегі ерліктерін әрдайым мақтан тұтамыз. Елімізді ғана емес, Еуропаны фашизмнің қара түнегінен азат еткен ардагер ағаларымыз бен апаларымызды кейінгі ұрпақ - біз ешқашан ұмытпаймыз. Біз олардың алдында мәңгілік қарыздармыз. Сондықтан да біз Ұлы Отан соғысының ардагерлерін әрқашан қастер тұтамыз. Олардың ерлігі ешқашан естен шықпақ емес.































Ғабит Мүсірепов атындағы №86 мектеп –гимназиясы











ЕРЛІК-ЕЛ МҰРАТЫ 6«В»-СЫНЫП ЖЕТЕКШІСІ Б.А.Бейсембаева







АЛМАТЫ-2013



Материалды жүктеу (Скачать)
Авторы:
Бейсембаева Бибигүл Адығұлқызы
Жарияланған уақыты:
2020-02-05
Категория:
Аттестаттау материалдары
Бағыты:
Тәрбие сағаты
Сыныбы:
7 сынып
Тіркеу нөмері:
№ C-1580896325