Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

111
Эссе "Менің сүйікті қалам" 11 сынып
Материал жайлы қысқаша түсінік: Орыс тілінде оқытылатын жоғары сынып оқушыларына қосымша мәлімет ретінде қолдануға болады.
Материалды ашып қарау
Ақтөбе қаласы«№ 35 орта мектеп» КММ11 «а» класс оқушысы: Шиктыбаева АружанЖетекшісі: Матчанова Кыз-Жибек Сарсенгалиевна

ЭссеМенің сүйікті қаламАқтөбе - ару қалам, мекен еткен!Ақ төбенің басында орналасқан,Сенің қымбат мөлдір тұнық суың тасқан.Ақтөбе – ару қалам, әсем қалам,Өзге жер жоқ сұлулықта сенен асқан.

Туған жер – адам өмірінде киелі орын алады. Табиғаттың бар әсемдігін, бар кереметін, оның әрбір әсерін сөзбен де, жазумен де жеткізу оңай емес. Оның керемет көрінісі жаныңды тербетеді. Бұлттары аппақ мақтадай, шөптері жасыл кілемдей төселген табиғат - тіршілік көзі. Оның әрбір әсері адам өмірінде үлкен роль атқарады. Аяулы табиғатсыз осы ғаламда өмір сүру, тіршілік ету мүмкін емес еді. Міне, сондықтан да тіпті балалық шақтан бастап-ақ адамда отанға деген махаббат сезімі оянады. Әрбіріміз үшін Отан ошақ басынан басталады: туған жер, туған көше, туған қала және мектебім. Менің Отаным кішкентай болса да, мен үшін аса қымбат жер Ақтөбеден басталады.Әр адамның өзінің сүйікті қаласы бар. Ең жиі адамның балалық шағы қалаған қаланың атауы сүйікті деп аталады, себебі бала кезінен ең құнды естеліктерге байланысты.Ақтөбе – менің сүйікті қалам. Мен осы өлкеде туып өстім. Осы қаламда көптеген достарым бар. Әдемі көркімен, жанға жайлы ғимараттарымен есте қалатын Ақтөбе, бүгінде әр адамның жүрегінен жылы орын тапқан болар, сірә!Ақтөбе – Қазақстанның батысында орналасқан, ел аумағының оннан бір бөлігінен астам жерін алып жатқан, аумағы жағынан республикада екінші орын алатын алып өңір.  Дәл осы жерде менің көңілді де, шаттықты, уайымсыз балалалық шағым өтіп жатыр. Үйдің маңындағы аулада ойнағаным және бала-бақшаға барған көшем мен үшін өте ыстық. Менің туған жерім, туған қалам қандай әдемі, қандай көрікті! Туған жерімнің әсем табиғаты, бой түзеген әсем үйлері, тарихи ескерткіштері бәрі-бәрі менің қалама көрік беріп тұр. Қазір қаламның әрбір шағын аудандарында балаларға арналған демалыс орындары орнатылған. Осындай демалыс орындарында тек бақытты балалық шақтың үні ғана естіледі. Мен де өз ата-анаммен, достарыммен осы жерде демалып, уақытымды көңілді өткіземін. Осы жаңа әлемде бар жақсылық балаларға жасалып жатқанына мен шексіз қуныштымын. Біздей бақытты балалары бар халық шексіз бақытты ғой деп ойлаймын. Міне, туған қаламның осындай көрікті де, көркем болып келе жатқаны мені толғандырмай қоймайды, еріксіз қолыма қалам алғызды. Сонымен бірге мен елімнің бір бөлшегімін, оның бүгіні мен болашағымын. Мен де туған қалама өз үлесімді қоссам деген үлкен арманым бар. Арман. Тілек. Менің алдымда үлкен мақсат бар. Сол мақсатқа жету үшін мектебімді бітіріп, достарыммен бірге, ата-анамның, ұстазымның берген ақыл - кеңесін тыңдай отырып, өз туған жерімнің нағыз патриоты боламын. Қазір Ақтөбе - әсем қала. Жоғары оқу орындары, жаңа мектептер, дем алатын орындар бар. Мамандақтар да жетіп жатыр. Менің алдыма қойған мақсатым – мұғалім болу. Балаларға білім, тәрбие беру үшін еңбек етіп мақсатыма қол жеткізуге тырысамын. Кішкентай кезімнен мақсат қоймасам, өскен соң өз орнымды табу қиын болады деп ойлаймын. Менің қалам  - өте мықты қала. Сондықтан өз қалама, елім мен жеріме ризамын!

Ақтөбе күн өткен сайын құлпыра түседі. Бұл қаланың тарихы, табиғи және тарихи орны да ерекше екені сөзсіз. Ақтөбе – батырлар мекені, батырларын қадірлейтін мекен. Қос Есет, Қобыланды, Бөкенбай мен Әлия, басқа да көптеген батырлардың ескерткіштері мен кесенелері өткен күндердің куәсіндей болып мен мұндалайды. Ақтөбе топырағынан түлеп ұшқан талай тұлғалар еліміздің дамуына әрдайым зор үлес қосып отырған. Олардың арасында Кіші жүздің төбе биі Әйтеке, дәулескер күйші Қазанғап, мемлекет қайраткерлері Ұ.Құлымбетов пен Т.Жүргенов, батыр апамыз Әлия, Жұбановтар әулетінен шыққан Құдайберген, Ахмет, Ғазиза, ақын-жазушылар Т.Ахтанов пен Қ.Шаңғытбаев, кезінде «кіші Жазушылар одағы» атанған Байғанин ауданынан шыққан ақындар Сағи Жиенбаев, Өтежан Нұрғалиев, Бәкір Тәжібаев, Сәбит Баймолдиндер бар. Өзім тұратын Ақтөбе қаласы көшелерінің көпшілігі ел қорғаған ерлердің есімдерін иеленген, ескерткіштер де негізінен солардың құрметіне тұрғызылған. Қаланың қақ төрінде шешуші Аңырақай шайқасының бас сардары Әбілқайыр ханның ат үстіндегі алып бейнесі орнатылған.  Көшелері түрлі-түсті жарық шамдарымен безендірілген. Даңғыл жолдарында алуан түрлі әсем гүлдер алыстан көз тартады.  Қаламыздың көкорай шалғын шөптері, ағаштары, жайқалған гүлдері оны одан әрі әсем етіп, көркем етіп көрсетеді. Ақтөбенің айналасында Елек және Қарғалы өзендері ағып өтеді.Қаламыз сауда-саттық жағынан да жақсы дамыған. Ақтөбеде бірнеше завод, фабрика, өндірістік орындар бар. Өлкеміз пайдалы қазбаларға аса бай: бізде мұнай мен газ, алтын, мыс, темір мен басқа да металл түрлері өндіріліп, өңделеді. Ал хром қоры бойынша Ақтөбе облысы Оңтүстік Африка Республикасынан кейін әлемде екінші орын алады. Бірақ біздің хромымыздың құрамы әлдеқайда бай саналады. Тәуелсіздік жылдары салынған Хромтау-Алтынсарин, Бейнеу-Шалқар-Сексеуіл-Жезқазған темір жолдары, «Батыс Қытай – Батыс Еуропа» автокөлік дәлізі облысымыздың транзиттік әлеуетін еселеп арттырды. Ақтөбе қаласының ескерткіштері де барып көруге тұрарлық көрнекті орындардың біріне жатады. Ескерткіш жанында көптеген үлкен шаралар өткізіліп тұрады. Мереке күндері адамдар көптеп жиналады. Ақтөбенің орталығында көптеген саябақтар, ойын-сауық орталықтары, сауда орталықтары бар. Саябақтарда көптеген тарихи мүсіндер қала көркіне көрік қосып тұр. Балалар саябақта велосипедтер мен скейтбордтар теуіп ойнайды. Біздің қаланың көшелері кең,үлкен. Үлкен көшелерде субұрқақтар орналасқан.Елбасы Нұрсұлтан Назарбаев Ақтөбеге келген кезекті сапарында өлкемізге «Ақтөбе – құтты мекен» деген анықтама берген еді. Қазір бұл сөздер облыс жұртшылығы арасында кең қанат жайып, шындыққа айналды. Сүйікті қалам Ақтөбе – Қазақстанның ең ірі қалаларының бірінен саналады. Кезінде қаланың ескі бөлігіндегі үлкен төбенің басында шағын бекініс ретінде салынған қалашық бүгінде ірі мегаполиске айналып келеді. Еліміздің батыс аумағында орналасқан қаламыз, қазіргі кезде ірі мегополистердің біріне айналып келе жатыр. Ақтөбе қаласы 1869 жылы бастап салынды. 1932 жылы10 наурызда облыс болып аталды. Шаһарымызға биыл 150 жыл толып отыр. Облыс орталығында соңғы екі-үш жылдың өзінде салынған Шығармашылық академиясы, Өнер орталығы, мешіттер мен мектептер, «Жұбановтар әуені» музыкалық орталығы, Жекпе-жек сарайы, хоккей модулі мен жабық футбол алаңдары, 50 метрлік бассейн, еліміздегі бірегей жедел-жәрдем стансасы, биыл пайдалануға берілетін облыстық тарихи-өлкетану мұражайы, «Аналарға тағзым» атты мұражай, теннис орталығы, Мұз сарайы, Неке сарайы сияқты еңселі ғимараттар қаламыздың көркіне сән қосып, жастардың жан-жақты дамуына жағдай туғызып отыр. Қазіргі заманда «Мемлекеттердің дамуын қалалар анықтайды» деген қағида қалыптасты. Менің туған өлкем де Қазақстанның басқа аймақтарымен жарыса дамып, елімізді ілгері сүйрейтін локомотивтердің біріне айналады деген сенімдемін. Туған жердей жер болмас» дегенді осыдан түсінуге болады. Ақтөбе кеңейе берсін, өсе берсін, Ақтөбе менің қалам – менің тағдырым. Әркімнің өз жерімысыр шаһары!



Материалды жүктеу (Скачать)
Авторы:
Матчанова Кыз-Жибек Сарсенгалиевна
Жарияланған уақыты:
2019-06-19
Категория:
Қазақ тілі
Бағыты:
Эссе
Сыныбы:
11 сынып
Тіркеу нөмері:
№ C-1560926617
2222
333
444
555
666
7
888
999