Эссе «ҮЗДІКСІЗ ДАМУ – МҰҒАЛІМНІҢ ПЕДАГОГИКАЛЫҚ ШЕБЕРЛІГІНІҢ НЕГІЗІ»

Мәртебелі мұғалім – түрлі әдіспен қаруланған, білім мен тәрбиені, тәжірибені жанына серік еткен мұғалім. Мұғалім қай жерде жүрсе де мұғалім атына лайықты болуы керек, - деп ойлаймын. Еліміздегі қара шаңырақ болған тұңғыш Абай атындағы Қазақ Ұлттық университетін үздік дипломмен тәмамдап, міне қазір « Оралхан Бөкей атындағы №44 лицейде» өз мамандығым бойынша қызмет атқарып келемін. Қазақстанның қай түкпірінде жүрсем де осы ұлағатты ұстаздарымның есіміне кір келтірмей, адал қызмет ету менің мақсатым. Өйткені, бәсекеге қабілетті тұлға даярлауда білім сапасын көтерудің негізгі тетігі — білімді ұстаз. Яғни мұғалімнің кәсіби шеберлігі жоғары болған жағдайда – білім сапасы да артады дегім келеді. Абай атамыз айтқандай, дүниенің бір кетігін жамай алсам, ұстаздарымның үмітін ақтағаным деп білемін!