Жағымды ой ізгіліктің өрнегі

Өзін-өзі тану пәнін жүргізу не үшін қажет? Рухани-адамгершілік қасиеттерді меңгерген кез-келген адам баласы ешуақытта жамандық жасауға бармайды, әрі «толық адам» болып қалыптасады. Адамзаттың ұлысы Абай Құнанбаев сипаттаған “Толық адам” тұжырымдамасына лайықты қасиетке ие болу- үлкен жетістік. «Толық адамы» көп ел ешуақытта азып- тозбайды. Сондықтан да бұл пәннің қажеттілігі зор.

Қазақтың киелі топырағында талай дарынды тұлғалар дүниеге келді. Солардың бірі – Олжас Омарұлы Сүлейменов. Ол 1936 жылы 18 мамырда Алматы қаласында әскери қызметкерлер отбасында дүниеге келген. Ол туа салысымен әкесі репрессияға ұшырайды. Олжас - батырдың ұрпағы. Әкесі Омар да батыр. Ол кісі атты әскер полкінің командирі болып жүргенінде ұсталған, жаланың құрбаны болған. Олжас жастай жетім қалып, ширығып өскен. Иә, Олжас – орыс тілді қазақ ақыны, тілтанушы. Ол өз ана тілінде жазбады, бірақ біз бұл тұрғыда ақынды даттауға аузымыз бармайды. Өйткені ол орыс тілінде жазғанымен, жүрегі тек қазақ деп соқты, өлеңдері қазақилыққа тұнып тұрды. Ол халқының тарихы мен шежіресін, аңызы мен ақындық үнін, дәстүрін – қазақтың ұлттық мақтанышы болып табылатын қасиеттерінің бәрін шын беріле жақсы көрді, оны асқақтата жырлауға тырысты. Олжасты әлемді қазақ мәдениеті мен әдебиетіне қызықтырып, жол ашушы деуімізге әбден болады. Өйткені ақын қазақтар туралы көп жазды және сол жазғандарымен бүкіл әлемді қызықтыра білді. Ол – бүкіл әлем таныған арқалы ақын, өз ұлтының шынайы патриоты. Және де түрік-словян тілдерін, мәдениеті ментарихын зерттеуші-жазушы, ойшыл, көрнекті мемлекет және қоғам қайраткері, дипломат. «Невада-Семей» халықаралық қозғалысының негізін салушы.

«Егер бала бұзақы болса, онда оған бала кінәлі емес. Педагогикалық әдістер кінәлі»