Жетістікке жету таксономиясы

Менің Қазақстан Республикасы педагог қызметкерлерінің біліктілігін арттыру бағдарламасына баруыма түрткі болған жағдай, менің тәжірибем барысында сынып жетекшілікті қатар алып жүргенім болды. Сыныппен жұмыс барысында мен әр баланы жан дүниеммен қабылдап, осыдан мен өстім. Мектеп әкімшілік құрамына кірмесем де өткізіліп жатқан тәрбиелік мәні бар барлық іс-шараға мен белсене араластым. Маған ең маңызды болғаны сол жиындардың өз деңгейінде өтуі және барлық тиісті адамдардың жауапкершілігі болды. Оқудан алдыңғы тәжірибемде мен шешімді өзімнен іздейтінмін, әрбір сабағыма көп ізденетінмін, мақсатым қалайда баланың пәнім бойынша қызығушылығын арттыру еді. Алайда менің көзқарасым өзгерді, мен шешімді өзімнен емес баладан іздеу керектігі анықталды. Оқушыларға дұрыс бағыт - бағдар берсек, олар өздері-өздерін оқытатындығы белгілі болды. Демек, дана Абай айтқандай, баланың бойына ұлттық құндылық нәрін сеуіп, азамат қылып өсіру ұстазға да байланысты, білім мен қатар «толық адамды» тәрбиелеу біздің міндетіміз, бұл философиялық ой қазіргі біздің «жеке тұлға»деп қарастырып жатқан теориямызға сай келеді. Тәрбиенің түп қазығы мұғалімнен бастау алады. Ал біздер, яғни деңгейлік курсынан өткен 22 мұғалім І деңгей-7, ІІ деңгей -5, ІІІ деңгей -9 , әр қайсысымыз өз мектебімізде халқымыздың болашақ ұрпағына білім беруде жоғары көрсеткішке жету үшін, ең алдымен, жаңартылған білім беру мазмұны туралы ұжымға түсінік беру еді. Осылай біз Блум таксономиясы бойынша алғашқы баспалдаққа қадам жасадық.