«Жылы сөз жан тебірентер, сіздерге мың алғыс!»

1 наурыз күні 8 «г» сыныбына «Жылы сөз жан тебірентер, сіздерге мың алғыс!» атты тәрбие сағаты болып өтті.Тәрбие сағатының мақсаты оқушылардың «сыйластық» құндылығы туралы түсініктерін кеңейту, бейбітшілікте, татулықта өмір сүрге тәрбиелеу.Тәрбие сағатының міндеттері: ризашылық, рахмет, алғыс туралы түсінік беру, үлкенге — кішіге деген сүйіспеншілігін, сыпайылық қарым — қатынасын дамыту ,әдептілікке, кішіпейілділікке, ізеттілікке тәрбиелеу. 2016 жылдан бастап, халқымыз 1 наурызды елімізде Алғыс айту күні ретінде атап өтіп келе жатыр. Алғыс айту күні – Қазақстан халқын мәңгілікке біріктіруге бағытталған, көпұлтты еліміздің ынтымағын нығайтуға , өмірдің әр сәтін бағалай білуге үйреттетін күн. Бұл- сонау соғыс , қиын-қыстау жылдарда елімізге қоныс аударған өзге ұлт өкілдеріне халқымыздың қолда бармен бөліскен, көмек көрсеткен, мейірімділік танытқан рухани дәстүрлер күні! Тәуелсіз Қазақстанды құруға аянбай еңбек еткен, қиындықты еңсерген , келешекке нық қадам басқан еліміздің барлық азаматтарының бір-біріне құрмет көрсетіп, сыйластығын одан әрі жалғастыратын күн! Алғыс – адамның адамға жасаған жақсылығы, көмегі, көңілі үшін ризашылық білдіруі. Алғыс — адамның көрсеткен көмегі үшін рахмет айтуы. Қолыңнан келгенше біреуге жақсылық жаса, алғысын аласың. Алғыс алған адам бақытты болады. Дана халқымыз “Алғыспен ел көгерер” деп бекер айтпаған. «Өмірге риза болып,алғыс айт » “Адам өз ісіне қанағаттанып, сүйсінген кезде ризашылық сезімге бөленеді.Өзіне жасалған жақсылыққа ризашылық білдіруді алғыс дейміз.” Арайлап атқан таңды көргенің үшін, қолдағы барың үшін алғыс айтуың керек. Қазақ халқы – тумысынан кез келген игі іске, жақсы нәрсеге алғыс айтуды әдетке айналдырған халық. Ол әдетіміз әдепке айналған. Алғыс айту сөзімен адамдар бір-біріне қуаныш сыйлайды. Кез келген мұңайып тұрған адам бұл сөзді ести сала, көңілі жібиді, жадырап шыға келеді.