Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Мақала Білім беру мазмұнын жаңарту жағдайында оқу мен оқыту үдерісін ұйымдастыру
Материал жайлы қысқаша түсінік: Мұғалімдерге керек
Материалды ашып қарау
Білім беру мазмұнын жаңарту жағдайында оқыту мен оқу үрдісін ұйымдастыру Қазіргі уақытта еліміз Рухани жаңғыру кезеңіне аяқ басып жатыр. Рухани жаңғырудың ең басты шарты – білімді, көзі ашық, көкірегі ояу болу. Өйткені ҚР тұңғыш Президенті «Болашаққа бағдар: рухани жаңғыру» атты Бағдарламалық мақаласындаайтқандай: табысты болудың ең басты факторы білім екенін әрқайсымыз терең түсінуіміз керек. Себебі, құндылықтар жүйесінде білімді бәрінен биік қоятын ұлт қана табысқа жетеді. Бұл жерде әңгіме еліміздің болашағы туралы. Еліміздің ертеңі ол – жас ұрпақтың қолында. Сондықтан, ұстаздар қауымының алдына өте үлкен міндет жүктелді. Бүгінгі таңда жас ұрпаққа пәнді тиімді ұғындырудың бірі - жаңа технология негіздері болып табылады. Ендеше біздің ұстаздарымыз оқытудың жаңа технологияларын енгізіп,білім беруді ақпараттандырып, коммуникациялық желілерге шығу арқылы оқытуды сауатты, сапалы жүзеге асырғанда еліміздің дамуына елеулі үлес қоса аламыз. Сондықтан бүгінгі күні ұстаздар қауымына қойылатын талап та жоғары болмақ. Олар жан-жақты, әлемдегі жаңалықтардан хабары бар, үнемі шығармашылық ізденісте жүретін, кәсіби біліктілігін шыңдайтын жеке көзқарасы бар, соны қорғай алатын жігерлі тұлға, зерттеушілік қабілеті бар, білімді де білікті, көп оқитын, білімін күнделікті тәжірибесінде қолдана білетін, өз оқушыларын өз бетінше білім алуға баулитын кәсіби маман иесі болуы керек. Және де ұстаздарда ұйымдастырушылық, құрылымдық, бейімділік, сараптамалық қабілеттері болуы керек.Жаңартылған білім берудің маңыздылығы – оқушы тұлғасының үйлесімді қолайлы білім беруортасын құра отырып, сын тұрғысынан ойлау, зерттеу жұмыстарын жүргізу, тәжірибе жасау, АКТ ны қолдану,коммуникативті қарым –қатынас жасау, жеке, жұппен, топта жұмыс жасай білу, функционалды сауаттылықты, шығармашылықты қолдана білуді және оны тиімді жүзеге асыру үшін қажетті тиімді оқыту әдіс-тәсілдерін курс барысында түсіндік,үйрендік. Жаңартылған білім беру бағдарламасының ерекшелігі спиральді қағидатпен берілуі. Спиральділік қағидаты бойынша құрылған оқу бағдарламасы Джером Брунердің «Білім беру үдерісі» (1960) атты еңбегінде қарастырылған танымдық теорияға негізделеді. Оған оқу мақсаттарын зерделей отырып тапсырмаларды, сабақтарды құрастыру барысында көз жеткіздік. Бағалау жүйесі де түбегейлі өзгеріске ұшырап, критериалды бағалау жүйесіне өтті. Критериалды бағалау жүйесі Филиппин, Сингапур, Жапония, Франция, Финляндия сияқты дамыған елдерде қолданыста екен. Критериалды бағалау кезінде оқушылардың үлгерімі алдын ала берілген критерийлердің нақты жиынтығымен өлшенеді. Оқушылардың пән бойынша үлгерімі екі тәсілмен бағаланады: қалыптастырушы бағалау және жиынтық бағалау. Бұл бағалау түрлері баланың жан-жақты ізденуіне ынталандырады. Қалыптастырушы бағалау күнделікті оқыту мен оқу үдерісінің ажырамас бөлігі болып табылады .Критериалды бағалаудың артықшылықтары:1.Оқушының тек қана жұмысы бағаланады;2.Өзін бағалауы;3.Алдын-ала ұсынылған бағалау шкаласы;4.Бағаның әділдігі;5.Оқушының тұлғалық бағытын белсенді позицияға бағыттау;6.Білім берудің сапасы артады.Мұғалімдер үшін:1. Өз іс-әрекетін саралап және болашаққа жоспарлай алатын мәліметтер алуы;2. Бағалаудың әртүрлі әдістерін пайдалануға;3. Оқу бағдарламасын қолжетімді ету үшін ұсыныстар енгізуге мүмкіндік береді.Оқушылар үшін:1. Танымдық қабілеті мен ойлау деңгейін арттыратын оқытудың әртүрлі әдістерін пайдалануға;2. Табысқа жетелейтін бағалау критерийлерін түсінуге;Қазіргі таңда оқытудың парадигмасы өзгерді. Білім берудің мазмұны жаңарып, жаңаша көзқарас пайда болды. Осыған байланысты ұстаздар алдында оқытудың әдіс-тәсілдерін үнемі жаңартып отыру және технологияларды меңгеру, оны тиімді қолдана білу міндеті тұр. Мемлекетіміздің білім беру үдерісіне енген жаңартылған білім беру      бағдарламасы - заман талабына сай келешек ұрпақтың сұранысын  қанағаттандыратын тың бағдарлама. Кіріктірілген білім беру бағдарламасында орыс тілі пәнінің берілуі де өзгеше. Бағдарлама оқушының төрт тілдік дағдысын: тыңдалым, айтылым, оқылым, жазылымды жетілдіруге бағытталған. Бұл төрт дағды оқу жоспарында «шиыршық әдісімен» орналастырылған және бір-бірімен тығыз байланысты. Бұл әдіс қарапайымнан күрделіге қарай шиыршық бойымен дамып, өрлей түскені жай ауызекі тілде ғана ойын жеткізуден, күрделі мәтіндер құра білу дағдылары шыңдалып, тілдік құзыреттіліктері шыңдала түседі.Қай елдін болсын өсіп-өркендеуі, ғаламдық дүниеде өзіндік орын алуы оның ұлттық білім жүйесінің деңгейіне, даму бағытына байланысты. «Өткенін ұмытқанның , болашағы бұлыңғыр» дегендей, жас ұрпаққа сапалы, мән-мағыналы, өнегелі тәрбие мен білім беру-бүгінгі күннің басты талабы- дей отырып салт –дәстүрімізді , өткен тарихымызды да оқушы санасына сіңіруіміз керек деп ойлаймын.Шындығында мұғалімнің алдында оқушыларға білім мен тәрбие беруде үлкен жауапкершілік тұр. Әрбір оқушыны оқытып тәрбиелеуге байланысты мәселелерді өздігімен және шығармашылық ынтамен шешуге қабілетті жаңашыл мұғалім керек. Білім мазмұнын жаңарту тікелей шығармашылық ізденістегі мұғалімнің кәсіби шеберлігіне байланысты. Қазіргі пән мұғалімдерінің негізгі міндеті – білім беруді нәтижеге нәтижеге бағыттау,яғни инновациялық жаңа технологияны меңгеру екені баршамызға мәлім.Оқу үдерісіне қоғамның жаңа қажеттіліктеріне сәйкес инновациялық тәсілдерді енгізу оқушының қажымас ізденімпаздығы мен шығармашылықты талап етеді. Себебі ,мемлекеттік білім стандартына сәйкес оқу үдерісін ұйымдастыру жаңа педагогикалық технологияларды ,білім алушылардың білімін қадағалаудың инновациялық бақылау –өлшеу құралдарын енгізуді жүктейді.Оқытудың жаңа педагогикалық технологиясы –оқытуды ізгілендіру, өзін-өзі дамытып,тәрбиелей білетін, заман ағымына ілесе алатын білікті, жан-жақты жеке түлға қалыптастыруды мақсат етеді. «Мұғалім көп әдісті білуге тырысуы керек. Оны өзіне сүйеніш, қолғабыс нәрсе есебінде қолдануы керек»,-деп Ахмет Байтұрсынов айтқандай, қазіргі заман талабына сай білім беру мәселесі сол қоғам мүддесіне сай болуы керек. Өз ісінің шебері ғана жоғары жетістіктерге жетеді. Қазіргі таңда пәнді жақсы, терең білетін, күнделікті сабақтағы тақырыпты толық қамтитын, оны оқушыға жеткізе алатын, әр түрлі деңгейдегі тапсырмаларды білу іскерлігі, оқытудың дәстүрлі және ғылыми жетілдірілген әдіс-амалдарын, құралдарын еркін меңгеретін, оқушылардың пәнге қызығушылығын арттыра отырып дарындылығын дамытудағы іздену-зерттеу бағытындағы тапсырмалар жүйесін ұсыну өмір талабы. Сондықтан да орыс тілі пәнінде де әр сабаққа әр түрлі тиімді әдіс-тәсілдерді қолдана отырып, оқушылардың білім сапасын арттыру ең басты мәселе.Мұғалімнің негізгі ұстанған мақсаты - білімнің жаңа үлгісін жасап, белгілі бір көлемдегі білім мен білік дағдыларын меңгерту, оқу мен тәрбие үрдісін ұйымдастырудың сан түрлі жаңа әдіс - тәсілдерін іздестіру, жаңа технологияларды сабаққа тиімді пайдалана білуі, бір сөзбен айтқанда - оқу үрдісін дамыту. Бұған тұңғыш Елбасымыз Нұрсұлтан Назарбаевтың Қазақстан халқына жолдауында айтылған «ХХІ ғасырда білімін дамыта алмаған елдің тығырыққа тірелетіні анық» деген пікірі нақты дәлел. Бүгінгі білім беру ісінің мақсаты – тек білім, білік дағдыларын меңгерту ғана емес, өзін - өзі дамытуға ұмтылатын, ақылды, алғыр, ой - өрісі кең, ақпарат көздерін өз бетімен қолдана алатын, қабілетті де талантты, жастарды тәрбиелеу.Бүгінгі білім беру жүйесінің ерекшелігі — білім алушының қандай да бір іс-әрекетке құзіреттілігін дамыту болып табылады.

Жаңартылған оқу үдерісі кезінде мұғалімдер сабақты модельдеу арқылы Бағдарлама материалдарын өз тәжірибесінде сынап көруге және оны ой елегінен өткізіп, рефлексия жасауға, сондай-ақ оқушыларға барынша қолдау көрсетуге бағытталған жаттығулар мен тапсырмаларды әзірлеуге мүмкіндік беріледі.Мен өз іс-тәжірибеме тоқталатын болсам,оқыту мен тәрбиелеудің ең озық та тиімді жолдарын қолдана отырып,сабақта әр оқушыға түсінікті, мазмұнды, терең білім беруді көздеймін. Әрбір оқушының жеке басының дамуына көңіл бөліп, жаңа үрдісте оқушының қызығушылығын оятып, шығармашылыққа жетелеп отырамын..Осы жаңа бағдарламаны меңгеру барысында ерекше есте қалған мына әдіс-тәсілдер сабақтың тиімді өтуіне, оқушы бойында қажетті төрт дағдыны (тыңдалым, айтылым, жазылым, оқылым)қалыптастыруға ықпал ететіні сөзсіз: «Қабырғадағы роль», «Ыстық орындық», «Пікірлер сызығы», «Саналылық аллеясы», «5 сұрақ,5жауап», «5 қадам», графикалық органейзерлер – «Дара диаграмма», «Қос диаграмма», «Оқиға тауы», «Хикая картасы», «Стоп кадр» т.б. Мұғалімдер пайдаланатын әдістер оқудың тиімділігіне елеулі әсерін тигізеді. Әр сабағымда оқушыларға оқу үдерісінің барлық аспектілеріне белсенді қатысуын талап еттім. Оқу үдерісі кезінде өздері сұрақтар құрастырып, бір-біріне кеңес беріп, өз алдарына мақсат қоюды үйреттім.Әр мұғалім оқушылардың не білетінін және нені жасай алатынын, қызығушылықтарын, әр оқушы нені жақсы көретінін және не істегісі келетінін түсінуге тырысу қажет деп білемін.Қазіргі ұстаздар қауымының алдындағы үлкен мақсат: өмірдің барлық саласындағы белсенді, шығармашылық іс-әрекетіне қабілетті, еркін және жан-жақты жетілген тұлға тәрбиелеу. Бұл мақсатқа жетуде ұстаздар терең білімді, әдістемелік жағынан толық қаруланған және жоғары мәдени деңгейі болуы тиіс. Сыныпта «оқыту мен оқу үдерісін дұрыс ұйымдастыратын » білім ортасын құру қажет.Қорыта айтқанда, жаңа бағдарламаның мәні, баланың функционалдық сауаттылығын қалыптастыру. Оқушы өзінің мектеп қабырғасында алған білімін өмірінде пайдалана білуі керек. Сол үшін де бұл бағдарламаның негізі «Өмірмен байланыс» ұғымына құрылған.Ұстаздарға үлкен жауапкершілік міндеттелді. Оқушылардың бойына ХХІ ғасырда өмірдің барлық салаларында табысты болу үшін, қажетті дағдыларды дарыту үшін, мұғалімдер тынымсыз еңбектену керек. Жаңартылған оқу бағдарламасы аясында тек өз пәнін, өз мамандығын шексіз сүйетін, бала үшін  ұстаз ғұмырын құдіретті деп санайтын білімді мұғалімдер ғана жұмыс істей алады. Үйренгеніміз де, үйренеріміз де көпҚорыта келе, Міржақып Дулатовтың «Жалғыз сүйеніш, жалғыз үміт – оқуда. Теңдікке жетек те, жұрттығымызды сақтасақ та, дүниедегі сыбағалы орнымызды алсақ та бір ғана оқудың арқасында аламыз. Жақсылыққа бастайтын жарқын жұлдыз – оқу. Надан жұрттың күні – қараң, келешегі – тұман»- деген ілімін негізге ала отырып, оқыту мен оқу үдерісін дұрыс ұйымдастыра отырып,оқушы бойындағы қабілетті жетілдіріп, оқушыларды болашаққа жетелеп, жақсы істі бастағалы отырмыз. Жаңартылған білім – болашақтың кепілі!













Материалды жүктеу (Скачать)
Авторы:
Бакежанова Анар Кайратовна
Жарияланған уақыты:
2019-07-23
Категория:
Қазақ тілі
Бағыты:
Барлығы
Сыныбы:
Барлығы
Тіркеу нөмері:
№ C-1563871478
333
444
555
666
7
888
999