Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

«Мен және менің мамандығым»
Материал жайлы қысқаша түсінік: Адам болып өмірге келген соң «Мен кіммін?» деген ой әр адамның көкейінде тұрады. Әрбір жеке тұлға бұл өмірде белгілі бір мақсаттарға жетіп, белгілі бір мамандық иесі болып, өмірден өз орнын тапқанды армандайды.
Материалды ашып қарау
Эссе«Мен және менің мамандығым»

Адам болып өмірге келген соң «Мен кіммін?» деген ой әр адамның көкейінде тұрады. Әрбір жеке тұлға бұл өмірде белгілі бір мақсаттарға жетіп, белгілі бір мамандық иесі болып, өмірден өз орнын тапқанды армандайды. Осылайша мен де өз армандарымның орындалуын жасөспірім кезімде қалап едім. Міне, қазіргі кезде өзім армандаған педагог-психолог мамандығында жұмыс жасап жатырмын. Әр мамандықтың өз қиындығы, өз қызығы бар. Психологтың жұмысы әрі күрделі әрі қызықты. Шынын айтсам, кейде жұмыстан соң үйге келгенде, қатты шаршағанымды сеземін. Бірақ сол өткізген күнді талдай отырып, оқушылардың маған деген ықыласын, маған ұмтылған үміт толы көздерін, тәтті қылықтарын бір сәт еске түсірсем, шаршағаным ұмытылып та кетеді. Осы бір «Балалар әлемінің» теңізіне бір бойласаң, ешқашан басқа жаққа кете алмайсың деп ойлаймын. Өйткені бала-пәк, бала- тап-таза. Мөлдір бұлақтың бастауын, көзін ашып, тұнығына қану үшін қаншама қиын да, қызықты еңбек пен тер төгу керек десеңізші
«Мен бір жұмбақ адаммын» оны да ойла - деп  Ұлы Абай атамыз айтқандай, әрбір тұлға - жұмбақ. Сол жұмбақтың кілтін тауып, жүрек кілтін аша білу, әрбір жүректің құпия сырын оқи білу мен қалаған мамандықтың ғажайып тылсым сыры. «Психолог, ол кім?» деген сұраққа қазіргі кезде мен былай жауап берер едім: Психолог-өзінің білімі мен біліктілігіне сүйене отырып, өзгелерді тығырықтан шығаруға көмектесетін  ізгі жан. Психолог-өзін терең  түсіне  жүріп, өзгелердің жан – дүниесін түсінуге, зерттеуге ұмтылатын зерттеуші. Психолог – жәрдемші, психолог – көмекші. Психолог өзгелердің жанын ауыртпайды, керісінше жан – дүниесі күйзеліске түскен жандарға өзінің психология әлемін шарлап, жанына дауа іздейді. Міне, осыншама жақсылық атаулыны жүрегіне, ақылына, санасына шоғырландыра алатын ізгі жан иесі. Психолог мамандығын жақсы көріп кетуімнің негізгі себептері де осыда болса керек. Жақсы психолог болу үшін не қажет? Ең алдымен терең білім, еңбек, дәлдік, ұқыптылық, бастамашылдық, қойған мақсатына жету үшін өз күшіне деген сенімділік. Бұл қасиеттер кез-келген мамандық иесіне тән емес пе? Әрине солай. Ал, психолог мамандығы бұдан да гөрі зор  қасиеттерді талап ететінін еңбек ету барысында сезініп, білудемін. Ең маңызды қасиет мәселені шығармашылықпен шешетін терең интуицияның болуы. Психолог-басқа адамның мәселесіне еніп, түсіне отырып, өзі бірақ бұдан зардап шекпейтін мықты тұлға. Өз өмірін тәжірбие  ретінде қолданбайтын, әр нәрсеге обьективті түрде қарай алатын, өзгелермен бірге қуана да, қайғыра да алатын терең эмоционалды. Қазір мен мектепте психолог бола жүріп, әрбір күн сайын, кездесетін қиыншылықтар мен проблемаларымен бетпе-бет кездесіп өз білімімді шыңдау, іздену үстіндемін. Бұл мен үшін психология мектебі. Бүгінгі біздің қоғамда жаһандану үрдісімен келген қиыншылықтар көбейіп жатыр. Көгілдір экранды жаулап алған шетелдік фильмдер, түрлі діни бірлестіктер шетелдік арзанқол музыкасы т.б. жастарымызды улап жатқаны жасырын емес.Олардың бәрі жастардың көңіл-күйіне, психикасына әсер етуде Бұндай келеңсіз істермен күрес жүргізу бірінші кезекте тұр. Мені қоғамдағы басты проблемалардың бірі – жасөспірімдер мәселесі қатты толғандырады. Олардың ішкі жан күйзелісін түсіне отырып, заманның індетіне айналған  «суицид» ауруымен күресіп, өскелең ұрпақты осы бір әбжыланның уытынан құтқарғым  келеді. Сол себептен биылғы оқу жылынан бастап арнайы «Суицид первенциясы» жобасы көлемінде жұмысымды бастап кеттім. Сонымен қатар инклюзивті оқытуда да психолог маманының көмегі қажет екені сөзсіз белгілі. Жантанушы ретінде толық адамға айналар тұлғаға жол көрсетер жан болғаныма  қуанамын. Сондықтан мен өз мамандығымды қоғамға қажеттілігін сезіне отырып, ерекше жақсы көрем және жақсы психолог  болу үшін барлық ерік-жігерімді сарп етуге әзірмін. Себебі, менің мамандығым-менің келешегім. 


Материалды жүктеу (Скачать)
Авторы:
Калмурзаева Нурсипат Манатовна
Жарияланған уақыты:
2019-04-09
Категория:
Психология
Бағыты:
Эссе
Сыныбы:
Басқа
Тіркеу нөмері:
№ C-1554821487
333
444
555
666
7
888
999