«Менің Президентім»

Қашанда қарыздармын, елім, саған, Анамсың алыс жүрсем көп аңсаған. Жүректің арнап ыстық махабатын, Туған ел, берерім көп менің саған. Осы шумақ арқылы Отанға деген, Қазақстанға деген ыстық махабатты аңғаруға болады. Өз елін, өзінің кіндік кескен туған жерін, ана сүтімен дарыған туған тілін сүймейтін адам жоқ. Менің елім – Қазақстан. Республиканың өз алдына дербес мемлекет болып, тәуелсіздігін алғанына биыл 30 жыл толғалы отыр. Өз еліңде бақытты, тыныш өмір сүргенге не жетсін! Қазақ халқында «Туған елдей ел болмас, туған жердей жер болмас» деген дана сөз бар. Қазақстан көп ұлтты, тәуелсіз мемлекет. «Бұтағы көп ағашқа құс қонар» - деген сөз менің еліме арнайы айтылғандай. Себебі Қазақстан жерінде қаншама ұлт өкілдері бір-бірін бауырлас біліп тату – тәтті өмір сүреді. Бір – біріміздің салт – дәстүріміз, әдет – ғұрпымызды құрметтеп, шын бақыттың дәмін тартудамыз. Еліміздің қай жерін, қай тұсын, қандай өлкесін алса та көрген жанның көңілін марқайтып, көзін жадырататын көктем табиғатымен ерекшеленген жерлер. Қазақстан – бүкіл қазақ халқының ата мекені, кіндік қаны тамған, киелі жері. Бұл жерді менің ата-бабаларым да мекендеген. Олар бастарына қандай қиындық туса да мойымай, өз елін қорғап қалуға ат салысқан.