Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

"Өрт - тілсіз жау"
Материал жайлы қысқаша түсінік: Балалардың өрт қауіпсіздігі ережелері туралы білімдерін қалыптастыру, қауіп төнген кезде өздерін қорғай білуге машықтандыру, өз өмірлері үшін жауапты екенін ұғындыру. Өрт сөндірушілердің қалай жұмыс жасайтындарын көрсете отырып, осы мамандыққа деген құрмет сезімдерін күшейту.
Материалды ашып қарау


Тақырыбы: «Өрт - тілсіз жау».Мақсаты: Балалардың өрт қауіпсіздігі ережелері туралы білімдерін қалыптастыру, қауіп төнген кезде өздерін қорғай білуге машықтандыру, өз өмірлері үшін жауапты екенін ұғындыру. Өрт сөндірушілердің қалай жұмыс жасайтындарын көрсете отырып, осы мамандыққа деген құрмет сезімдерін күшейту.Көрнекіліктер: Өрт сөндіру құралдары, суреттерШаттық шеңбері:Қайырлы таң достарым, Қайырлы күн болсын.Ісіміздің әр кезі,Сәттілікке толсын! Балалар мен сіздерге жұмбақ жасырамын шешуін тауып көріңіздер. ЖұмбақтарҚандай зат ең қауіпті, көгілдір - қызыл түсті? (газ)Жаурағанды күлдірер,Өз еркіне жіберсең,Дүниені бүлдірер. (от) Тәрбиеші: От өмірімізге қуат беріп, бойымызды жылытады. От өмірдің сәні. Отсыз тіршілік жоқ. От жағылмаса, тамағымызда піспейді, үйімізде жылымайды. Біздің ата - бабаларымыз шөбі көп жерді, отты жер деп бекер айтпаған. Үйді қазақ халқы отпен теңестіріп отырған. Тұратын үйін -отау, үй иесін - отағасы деп атаған.Сахнада: Үй. Көңілді музыка ырғағымен Сайқымазақ үйдің қасына келеді.Сайқымазақ: Көңілім түсіп тұрғаны. Не бүлдірсем екен(қолындағы сөмкесін сілкілейді де, сіріңкенің дауысын құлағы шалып қалады) О, о! Менің сөмкемде сіріңке бар екен ғой, қалай байқамағанмын? (сіріңкені бір - бірден жаға бастайды) Осы кезде шуды естіп қоян үйден шығады.Қоян: Ой, сайқымазақ, сен мұнда не істеп жүрсің?Сайқымазақ: Ой, қорқытып жібердің ғой. Не болды сонша айқайлап. Мен бар болғаны сіріңкені жағып ойнадым ғой. Ал сен болсаң мен үлкен өрт шығарғандай айқалайсың?Қоян: Қайдан білесің, мен сені тоқтатпағанда, бұл ойының үлкен өртке ұласар ма еді? "Ойыннан от шығар"деген мақалды естімеген бе едің?Сайқымазақ: Қойшы сен де, бір сіріңкеден қандай өрт шығар дейсің?Қоян: (Сіріңке қорабын қолына ұстап)Балалар - ау, балалар, сіріңкеге қараңдар!Өзі кішкентай болса да,Бойында алып күші бар.Сіріңкемен ойнасақ,Абайсызда өрт шығар,Соны есте сақтаңдар!Сайқымазақ: О, мен енді түсіндім. Сіріңкенің мұндай тентек екенін бұрын білмеппін.Тәрбиеші: -Сәлеметсіздер ме, сайқымазақ, қоян! Сіріңкемен ойнауға болмайды. Қоян дұрыс айтады, біздер өрт қауіпсіздігі ережелерімізді жақсы білуіміз керек. Олай болса, сайқымазақ, қоян, балалар! Бізбен бірге өрт қауіпсіздік ережелерімен танысып мұқият тыңдаймыз. Слайд«Өрттің шығу себептері»1. Шырпымен ойнаса;2. Үтікті қосып кетіп қалса;3. Газды ашық қалдырып кетсе; Шырпы туралы не білеміз? Шырпы күнделікті өмірде қажет. Шырпы арқылы майшамды, газды т. б. нәрселерді тұтату үшін іске асырады. Шырпыны үлкендердің рұқсатынсыз алмау керек. Себебі, өрт - тілсіз жау. Шырпының адам өмірінде пайдасымен бірге зияны да болады.Өрт шыққанын білгенде... Өрттің ауқымы кішкентай болса, крандағы сумен, болмаса қалың дымқыл матамен өшіруге болады Өрт ауқымды болса, 101-ге хабарласып өрт сөндірушілерді шақырту. Киіміңізге от тигенде жүгірмеңіз. Ол оттың одан сайын өршуіне әкеледі. Одан да киімді шешуге тырысу керек, болмаса еденге жатып аунау керек. Егер жаныңыздағы адамның киімі жанып жатса, оны өшіру үшін үстіне дымқыл мата жабыңыз;Терезелерді ашып, түтінді шығаруға болмайды. Таза ауа отты өршітеді;Егер өрт қатты жанып тұрса, онда сіздің негізгі мақсатыңыз тез үйден кету. Егер өрт қатты жанып тұрмаса да, бірақ үйдің іші қатты түтін болса, үйден тез кету керек. Түтін өрттен де қауіпті болады.Өрт туралы жаттаған тақпақтарымызды айтайық. Өрт пен түтін айнала,  Қарап тұрма жай ғана.  Тез хабар бер 101 –ге  Уақытты сен байлама.  Гүлназ.Үтікпен киім басарда  Сақтық керек саған да.  Мұқият бол қашанда,  Үйде жалғыз қалғанда. Сайда. От жақпа күйерсің,  Өртеніп жүрерсің.  Сіріңкені ұстасаң,  Бәлеге сен түсерсің Ясмин.Дидактикалық ойын: «Өрт сөндірушіге не қажет?»Балалар «Пілдің үйіндегі өрт» мультфилімін тамашалайық. От туралы қандай мақал – мәтелдер білеміз?Сумен ойнама – батарсың,Отпен ойнама – күйерсің.От пен су – тілсіз жау.Міне, балалар бүгін біз «Өрт - тілсіз жау» деген тақырыпта ашық шара өткіздік. Жоғарыда айтылғандарды естеріңде сақтап, әдепті болып жүріңдер.
Материалды жүктеу (Скачать)
Авторы:
Найзабекова Гүлдана Манатқызы
Жарияланған уақыты:
2019-09-12
Категория:
Балабақша
Бағыты:
Ашық сабақ
Сыныбы:
Мектепке дейінгі
Тіркеу нөмері:
№ C-1568309029
333
444
555
666
7
888
999