Прогрессияға берілген қолданбалы есептерді шешу

Қазіргі техниканың қарқынды дамуына байланысты математика пәнін оқытуда кәсіби шеберлік, білік дағды жоғары орынға қойылып отыр. Оқушылар математика пәнінен білім стандартын білгенімен пәнге деген қызығушылығының төмендеп бара жатқанының куәсі болып отырмыз. Сондықтан оқушыларды математиканың адам өміріндегі орнын түсінуге жетелеу қажет. Күнделікті өмірде математиканың қолданысын көрсету үшін математика сабақтарында қолданбалы есептерді жиі шығарып отыру керек. Қолданбалы математика дегеніміз не? Алдымен осыған тоқталайық, бұл математикалық білім мен білік дағдының ғылымның басқа салаларында қолданылуы. Мысалы, физикада, химияда, биологияда сондай-ақ күнделікті тұрмыста қолданылуы. Ал қолданбалы есептерді шығару – ғылымның басқа салаларында немесе мүлдем ғылымға қатысы жоқ математикалық мазмұндағы есептерді шешуде математикалық ережелер мен формулаларды қолдану.