Қайырымдылық ісіңнен көрінеді.

Қайырымдылық, қамқорлық жасау – бұл жүрегі елім, жерім деп соққан әрбір азаматтың азаматтық борышы. Міне жыл сайын тамыз-қыркүйек айларында дәстүрлі түрде өтетін Мектепке жол қайырымдылық акциясының тарихы да 10 жылға таяпты. Осы жылдар арасында акцияға жомарттық танытып, қайырымдылық жасап келе жатқан ауыл азаматтары аз емес. Биыл да акцияға ауыл азаматтары, мектеп ұжымы, тіпті мектебіміздің оқушылары да белсенді түрде атсалысуда. Ауылымыздың жеке кәсіпкерлеріне, жергілікті округ әкімшілігіне, ауданымыздың білім бөлімінің басшысына көмекті қажет ететін балаларға қолдау көрсету мақсатында сұраныс хаттар жіберіліп, ауыл көшелеріне хабарландыру мен үндеулер ілінді. Жұмыла көтерген жүк жеңіл демекші мектеп ұжымы да көмектерін аяп жатқан жоқ. Әлеуметтік мәртебедегі оқушыларды анықтау мақсатында рейдке шығып, балаларға көмек көрсетіп акцияға қолдау көрсетуде. Акцияға қолдау көрсетіп, белсене қатысқан кісілерге үлкен алғыс айтамыз. Атап айтсақ, Іле ауданы білім бөлімінің басшысы Ләззат Жақыпқызына, Ерназ қайырымдылық қорының өкілі Гүлназ Зейнелқабденқызына, ауылымыздың жанашыр демеушісі Серік Есқараұлына және №22 орта мектеп ұжымына үлкен алғыс айтып, дендеріне саулық, отбасыларына амандық тілейміз. Еңбектеріңіз елене берсін демекпіз. Еліміздің болашағы – бүгінгі жас өркен. Болашағымыз бүгінгі балалардың қолында. Олай болса сауабы мол қайырымдылық шараға барлық азаматтарды шақырамыз. Қайырымдылық жасау, қамқор болу – парыз десек те болады. Қайырымдылықты ісімізбен көрсетейік!