Қаһармандық-қайсарлықтың белгісі

Мен-Копжан Айдана Рахатқызы. Қарапайым ауылда өстім, менің журналистика жолындағы алғашқы қадамым дәл осы мақаладан басталмақ. Бұл салаға өз үлесімді қосу – мен үшін үлкен мәртебе. Алғашқы мақалам “Қаһармандық – қайсарлықтың белгісі” деп аталады. 16 желтоқсан күні көпшілікке жай ғана жұмыс істемейтін күн болып көрінуі мүмкін. Алайда бұл күннің артында ата-бабамыздың аққан қаны мен төгілген тері, еркіндікке деген асқақ арманы жатыр. Қазақ халқының көптен күткен жарық та нұрлы күні туып, басын тік көтерген сәті – дәл осы тәуелсіздік алған күннен басталды. Бұл тарихи оқиға әрбір жанның бойын тітіркендіріп, “Дербес Қазақстанның” гүлдену ғұмырының алғашқы іргетасы болды.