Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Рефлекция. Коучинг
Материал жайлы қысқаша түсінік: мұғалімдерге
Материалды ашып қарау
Бейсембаева Бибігүл Адығұлқызы

Алматы қаласыҒ.Мүсірепов атындағы №86 мектеп-гимназияМектеп тренері

Блум таксономиясы коучинг-сессия бойынша рефлексивті есеп. Мектептің мұғалімдерімен коучинг-сабақ өткізу үшін, тақырыпты таңдап алуым керек болды. Коучингтің мақсаты мен міндерттерімен таныстыруды жөн көрдім. Кездесу мақсаты – коучингке қатысушылар өз сабақтарында қысқа мерзімді жоспар жасауда қандай қиындықтар кездесетінін және кемшіліктерін жою мақсатында әлі де жетілдіруді қажет ететін тұстарын анықтау.Жаңа форматтағы мұғалім болып қалыптасу үшін жалпы білім беретін мектептердегі педагогика кадрларының кәсіби даму бағдарламасы бойынша курстан оқып-үйренгендерімді іс- тәжірибеде қолданып көру керек болды. Сол себепті сабақ жоспарларынан тыс өмірмен байланыстырып, жаңа үлгіде дайындап, Блум таксономиясындағы 6 модулді қолдандым.Мұғaлiмге сaбaқ берудiң тиiмдiлiгiн aрттыру мен педaгогикaлық шеберлiктi жетiлдiрудi көздей отырып жaңa бiлiктiлiктер мен тәсiлдердi қaлaй қолдaну қaжеттiгiн сипaттaйтын әрекеттiң жекеше жоспaрын жaсaу тиiмдi деп есептедім. Бiлiм беру мен бiлiм aлудaғы топтық бірігулер мұғaлiм мен оқушы aрaсындaғы ынтымaқтaсты дaмытуғa ықпaл етедi. Бiздiң мaқсaтымыз оқушылaрдың мүмкiндiктерiн бaрыншa толық жүзеге aсыруғa қaжеттi жоғaрғы деңгейлi ойлaу бiлiктiлiктерiн дaмытуғa, топпен бiрлесiп жұмыс жaсaуғa көмектесу.Жас ұрпаққа сапалы білім, саналы тәрбие беруде мұғалімнің шығармашыл, жан-жақты болуы шарт. Осы бағдарлама бойынша жұмыс жасайтын болсам, оқушыларымның білім сапасының арта түсетінін білдім. Аталған бағдарлама оқушылардың қалай оқу керектігін үйреніп, соның нәтижесінде өз ойларын еркін жеткізе білетін ынталы, сенімді, сыни ойлауы жүйелі дамыған, ақпараттық-коммуникативті технологияны меңгеруде құзырлылық танытатын мұғалім ретінде қалыптасуын қамтиды. Мұғалім бағыт беруші, көшбасшы, ұйымдастырушы болып табылады. Блум таксономиясын пайдаланып отыру мұғалімдерге сабақ беруде көмектесетін маңызды құрал.Топтық тапсырмалардың да көп пайдасы бар. Топ мүшелері өз ойларын ортаға салады, бір-бірімен пікір алмасады,ортақ шешімге келеді, топта қамтылмаған адам қалмайды, топ ережесін құрып, оған бағынуға тырысады, топ ішінен көшбасшы да анықталады. Сол себепті өз сабақтарымда Блум таксономиясын қолдандым. Блум таксономиясы туралы мағлұмат беру, іс-тәжірибеде қолдану, жеке тұлғаның оқуға деген ынтасын күшейту, белсенділігін арттыру, іздендіру, зерттеушілік жұмыстарына тарту, білімді өз беттерімен алуды қамтамасыз ету.Оқыту сапасын жақсартуда Блум таксономиясының мәнін- мазмұнын ұғындыру, іс- тәжірибелерінде қолдануға ықпал жасау. Оқыту мен оқудағы жаңа әдіс-тәсілдерді қолдануға, Блум таксономиясын сабақтарға мақсат қоюда, білімді игертуге, деңгейлік тапсырмаларды дұрыс әзірлей алуға бағыттау мақсаттарын қойдым.  Коучинг барысында мұғалімдер теория арқылы,түрлі тапсырмалар орындай отырып , Блум таксономиясының 6 қадамының білімді игертуге тиімді екеніне көз жеткізеді. Қатысушы мұғалімдердің пікірі бағаланатын іс-шаралар пайдалы болатынын біледі. Мектепішілік ынтымақтастықты нығайту арқылы мұғалімдердің кәсіби біліктілігін арттыру. Блум таксономиясын қамтуға тырыстым. Модульдерді қолдану барысында кедергілер де ұтымды шыққан жерлері де кездесіп отырды.  
    
Коучингіме өз сұраныстары бойынша 20 мұғалім және мектеп әкімшілігі қатысты. Алдымен сабақты жақсы көңіл-күймен бастап, мұғалімдердің арасында сенімді қарым-қатынас орнату үшін психологиялық ахуал жасап, тренинг жүргіздім. Сағат тілімен қасында тұрған адамға қарап жақсы қасиеттерін айту, жылы лебізін білдіру арқылы психологиялық ахуал тудырдым. Шеңбер бойында тұрып,бірі-біріне жағымды ахуал қалыптастыруда тілек сөздер айтады. Коучингке қатысып отырған адамдар сандық ішінен суреттерді таңдау арқылы 4 топқа бөлінді. Әр үстелге барып алған сүреттері бойынша анықтама оқылды.«Топтың маңыздылығы» бейнежазбасындағы бірліктегі істің пайдасын көрсету.Бенежазба туралы ойларын ортаға салады.Топтық жұмыс туралы нұсқаулықты басшылыққа ала отырып, алған заттарының аттарына сәйкес топтарға бөлдім. Бірінші топ «КАСПИИ банк», екінші топ «АЛТЫН банк», үшінші топ «АСТАНА банк», төртінші топ «АТФ банк» болып бірікті.Әр топта тәжірибелі мұғалімдер мен жас мамандар да болды. Алдымен құрылған төрт топтан топтарда жұмыс жасау үшін қандай ережелер болу керектігін айтып, жалпы «Алтын ережемізді» құрып, іліп қойдық. Коучингке қатысушыларды сабақ мақсатымен таныстырған соң, оларға топ ережесін жасауды және топтық жұмысқа қойылатын критерийлерді, алгоритмді анықтап, талқылауды ұсындым. Топтың алтын ережесімен танысады.Топтардың аттары Банк аттарымен белгіленеді.Топтарға бірігеді, атын қояды. Көшбасшы,хатшы,спикер,бағалаушы сайланады. Топ мүшелері ТҰРҒЫН ҮЙ салу тақырыбы бойынша негіздемелермен танысып, Блум таксономиясының 6 қадамына салып түсіндіреді, постер қорғайды. Коучинг сабағымның тақырыбын анықтау мақсатында «ТҰРҒЫН ҮЙ бағдарламасын» бейнеролигін көрсеттім. Көрсетілім бойынша әр топтың пікірін тыңдап, сабақ тақырыбын өздеріне ашқыздым. Одан кейін интербелсенді тақтадан «ТҰРҒЫН ҮЙ-2020» деген тақырып беріліп, топтарға талқылауға тапсырдым. Әр топ тапсырманы орындауға қызу кірісіп кетті.Берілген жерге үй салу алгоритмін әр топ ақылдаса отырып жасады.Әр топтың бір мүшесі басқа топқа барып өздерінің алгоритмін басқа топқа түсіндірді.Әр топтағы топ көшбасшысы өз алгоритмін қорғады. Сергітіу сәтінде әсем көңілді ән мен ырғақты би коучингке қатысушыларды бірден баулып алды.Сергіту сәті өте сәтті өтті. Топтардың макет жасау сәттеріненБерілген уақыт аяқталғаннан соң топтар ортаға шығып ойларын ортаға салып, үй макеттерін қалай жасағанын қорғаттым.Барлық топ мүшелері ортаға шығып өздері жасаған үй макеттерінің әдемілігін, жасау тәсілдерін, қол жетімдігін айтып барлық топтың алдында қорғады. Әріптестерім осы мәселені шешу жолдарын іздеп алгоритмдерін пайдалану арқылы топтарда жұмыс істеді, өз жобаларын қорғады .Әр топ Блум токсономиясын қай жерде қалай қолданғанын түсіндіре отырып қорғады Топтардың макеттерін қорғау сәттеріненКоучинг соңында кері байланыс орнатып, «Бес саусақ» әдісі арқылы өздерінің осы сабақтан қандай дәрежеде түсінгендерін, алған әсерлерін байқағым келді. Өйткені, коучинг –сабағыма әріптестерім белсене қатысты .Олардың бәрі тамаша сезімде, жақсы көңіл күйде рахметтерін айтты.

Сабағымның сәтті өткен тұстары: бұл тақырып мұғалімдер үшін тапсырма өмірмен байланысты болғандықтан қызықты болды,керекті де, өзекті мәселе екендігі, әріптестерімнің топтағы жұмыстарды қызыға орындап барлығының ат салысуы, постер қорғауда өз ойларын ортаға салып, әр топтың талқылаулары, менің теориядан алған білімдерін тапсырма барысында салыстыра отырып қорытынды жасағандары маған жақсы әсер етіп, күш-қуат бергендей болды.Әрине, сабағымның сәтсіз тұстары да болды:-Топтық жұмыстарда уақытты ұтымды пайдаланбау;-Топтағы көшбасшы мұғалімдердің анықталмауы;Мен осы бірінші коучинг сабағымды өткізе отырып, әріптестеріммен жасаған кері байланысты ескере, сабағымның бейнежазбасын көріп, өзіме мынандай ой түйдім. Әріптестерімді психологиялық ахуал орнатуда,топқа бөлуде, сергіту сәтін ұйымдастыруда,топтық жұмыстарды қызықтыра білдім. Топтық жұмыста мәселені өзара талқылауда және постер қорғауда белсенділік танытты. Ал теориялық білімдерін әлі де толықтыруды қажет етеді. Сондықтан мен келесі коучинг сабағымда сабақтың териялық бөлімін түсіндіруде тәсілімді өзгерту керек екенін түсіндім. Коучинг сабақ соңынан мұғалімдерге кері байланыс жасауды ұсындым. Коучинг сабақ барысында әріптестерім топқа бөлу, постер жасап , оны қорғау, тәсілдерін тез қабылдады. Берілген тапсырмаларға аса жауапкершілікпен қарап, қолдарынан келгенін көрсете білді.Сабағымның нәтижесінде менің әріптестерім тек «Блум таксономиясын», сабақта балаларды топтастыруды, постермен жұмыс жасауды, сабақ соңында балаларға кері байланыс ұсынуды, сергіту сәтін ұйымдастыруды, жағымды атмосфера орнату барысында психологиялық тренинг өткізуді, Блум таксономиясын сабақпен байлавныстыра отырып әдіс-тәсілдерін қолдануды үйренді.Болашақта осы осы тақырыпта тағы да коучинг өткізетін болсам, мен нені ұсынар едім?-Блум таксономиясы бойынша теориялық білімімді толықтыру;Жаңашылдыққа жаны құмар, білсем, үйренсем деген әріптестеріме ақпарат жеткізудің ең тиімді тәсілі коучинг сабағы екенін білдім. Осы коучинг-сабағымның әріптестерімнің өз тәжірибелерінде өзгерістер енгізу керектігіне септігін тигізгеніне, кішкене болса да үлесімді қосқаныма қуанып, келесі коучинг –сабағымды жоспарлауда жаңа идеялар туындады. Өзімнің де әріптестерімді үйрете отырып үйренетініме көзім жетті.

Пайдаланған әдебиеттер:1.Мұғалімге арналған нұсқаулық..2. Мектептегі тәжірибе кезеңінде орындауға арналған тапсырмалар.2.Интернет ресурстары (бейнероликтер)

Материалды жүктеу (Скачать)
Авторы:
Бейсембаева Бибигүл Адығұлқызы
Жарияланған уақыты:
2020-02-05
Категория:
Аттестаттау материалдары
Бағыты:
Семинарлар
Сыныбы:
Басқа
Тіркеу нөмері:
№ C-1580896407