Сабақ жоспары. Өсімдіктердің маңызы 8- сынып

Бұл ашық сабақ жоспары 8- сынып бойынша қазақ тілі пәнінен «Өсімдіктердің маңызы» тақырыбында таңдалды. Осы тақырыпқа сәйкес мынадай оқу мақсаты берілген: 8.О6.Тақырып бойынша бірнеше мәтінде көтерілген мәселелерді салыстыра отырып, баға беру. 8.А5. Пікірталасқа қатысушылар берілген тақырып бойынша өз пікірлерін сенімді дәлелдеу және қойылған сұрақтарға еркін жауап беру. Сабақ тақырыбына сай, қазіргі таңда экономикалық өсу және азаматтардың әл-ауқаты үшін білімнің айтарлықтай маңызды екенін бүкіл әлем мойындауда (МАН, 6-бет) дегендей, Блум таксонономиясының жоғары деңгей дағдылары: талдау, жинақтауды алдым. Ал, «Мәңгілік Ел» жалпыұлттық идеясының құндылықтарына баулуда туған елдің табиғатына деген сүйіспеншілікті бойларына сіңіру, табиғаттың ажырамас бөлігі - жан-жануарлар мен өсімдіктерді қорғауға тәрбиелеу арқылы жүзеге асырылды. Сабақтың өн бойында тапсырмалар тақырыпқа қатысты жоспарланды, SMART форматында құрастырылды. Әр тапсырма минутқа өлшенген, бұл қожетімді, бұл шынайы, өйткені, оқу мақсатының мазмұнын ашуға сәйкес таңдалды. Жоспарланған әр тапсырманың соңынан жүргізілетін ҚБ түрлі әдістері арқылы оқушыларды дер кезінде түзетіп, «Не білдім? Не білемін? Не білгім келеді?» кестесін толтыру арқылы кері байланыс жүргізілді. Оқу мақсаты оқылым, айтылым дағдылары болғандықтан, оқылым алды, оқылым кезінде, оқылымнан кейінгі әрекеттер арқылы жүзеге асырылады. Оқылымнан кейінгі тапсырмалар саралау әдістері арқылы әрбір оқушыға мақсаттарға жетуге ықпал жасайды. Осы тұста «Тізбектеп оқу» әдісі тәсілін жоспарладым. Өйткені, үздік нәтижеге қол жеткізу мақсатында оқу мақсатын неғұрлым айқындауға көмектеседі, оқушылар тыңдалған ақпараттарды талдап, өз ойларын ашық білдіреді. Оқу мақсатына сәйкес, бағалау дескрипторлары құрылды. Осы ретте көпшілік оқушылар «Ғажайып қоржын» әдісі арқылы оқушылар сұрақтарға терминдерді орынды қолдана отырып дұрыс жауап берсе, кейбір оқушылар өз пікірін білдіріп, ойын анық жеткізеді.