Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

111
Шығарма "Мұхаммед (с.ғ.с) Пайғамбар туралы"
Материал жайлы қысқаша түсінік: дінтану сабағына керек, себебі қазір теріс ағымдар өте көп. Сол ағымдардан аулақ болу үшін жазылған шығарма
Материалды ашып қарау
Шығарма Мұхаммед (саллаллаһу аләйһи уә сәлләм)



Авторы: Журумбаева Меруерт Саматовна, қазақ тілі мен әдебиеті пәні мұғалімі Шеберді шебер дегенше, Алланы шебер десейші Күн өтіп бекер жүргенше, Иман жолымен жүрсейші.

Алланың нұры тым ыстық Шапағын төккен әлемге, Шеберлігі Алламның Пендесін жыққан сәждеге.

Сараңдық, билік, молшылдық Өтер де кетер сын сағат, Аллама қылсаң құлшылдық Бақытың болар сан сағат. Алланы алып аузыңа, Кәлима келтір тіліңе Ұлықтап ислам әлемін Ұстамды болғай дініне.

Адамда қадір қасиет, Танитын соны білім бер, Өзіңе іштей жасырмай Ұрпаққа қалдыр өсиет.

Алламның шебер екенін Жүрекпен сезіп ұғыншы, Иманның мықты мекенін Ұмытпа жүрек екенін,- дегендей, Аллаһ есімін ұлықтаған Мұхаммед (с.а) туған күні. Пайғамбарымыз Хазіреті Мұхаммед (с.а.у) 571жылы көкек айының 20-сына сәйкес келетін Рабиуләууәл айының 12-дүйсенбі таң ағарып келе жатқанда Меккеде дүниеге келеді. Ол түн- Мәуліт түні деп аталады.Ол дүниеге келген күні таңертең дүние нұрға бөленді. Әкесі Абдуллаһ оның дүниеге келуіне 2 айдай қалғанда қайтыс болғандықтан жалғыз ұлын көре алмайды. Анасы Әминә осылайша нұр сияқты бір баланы дүниеге әкелісімен атасы Абдулмүттәлиб үлкен ас беріп, той жасап, сүйікті немересіне «Мұхаммед» деп ат қояды.-Немереңе қандай ат қойдың?- деп сұрағандарға,-Мұхаммед деп қойдым,- дейді.Олар : Аталарыңның арасында мұндай ат жоқ еді, бұл атты қоюдың мәнісі не?- деп сұрайды. Абдулмүттәлиб: «Көкте Хақ Тағаланың, жерде халықтың мақтанышы болсын деген үмітпен қойдым»,-деп жауап береді. Меккенің алдыңғы қатарлы адамдарының бір әдеті бар еді. Жаңа туған балаларын Мекке төңірегіндегі тайпалардағы сүт-аналарға беріп бақтыратын. Өйткені, Меккенің ауасы ауыр және ыстық болғандықтан балаларға қолайсыз болатын. Пайғамбарымыздың анасы Әминә үш күн, Суәйбә деген әйел екі күн емізеді. Содан кейін Хазіреті Мұхаммед (с.а.у) Сад тайпасынан Хәлима деген сүт-анаға беріледі.Хәлима оны өз баласынан артық жақсы көріп, тіпті соққан желден қорғаштайтын. Хәлиманың кішкене қызы, Хазіреті Мұхаммедтің сүт бауыры Шейма да Мұхаммедті (с.а.у) өте жақсы көретін, үнемі бірге ойнайтын. Бұл жетім бала олардың отбасына бақыт әкеледі. Хазіреті Мұхаммедтің (с.а.у)бұл отбасында бес жыл қалғаннан кейін оны Меккедегі өз үйіне әкеледі.Хазіреті Мұхаммедтің (с.а.у) анасы Әминәнің Мәдинада туыстары бар болатын. Әрі оларды көру ушін, әрі ұлын әкесінің мазарына апарып қайту мақсатымен Әминә баласымен бірге Мәдиаға барады. Мәдинада бір ай болады. Пайғамбарымыздың әкесі Абдуллаһтың мазарының басына барады. Хазіреті Әминә баласы және қасындағы қызметшісі Үммү Әймәнмен бірге Меккеге қайту үшін жолға шығады. Кешқұрым Әбуа ауылына жетіп, сол жерде түнейді. Хазіреті Әминә осы жерде науқастанып қалады. Қасына алып отырған жалғыз ұлын мейіріммен сүйіп, бауырына басып, арқасынан сипайды. Өлетінін және ұлынан айрылатынын сезген ана, енді ешқашан коре алмайтын ұлынын жүзіне қарап былай дейді: «Кез-келген жаңа нәрсе ескіріп, кез-келген нәрсе түбінде жоқ болады. Мен де өлемін. Бірақ қам жемеймін. Өйткені артыма жүрегі таза тұяқ қалдырып бара жатырмын. Дүниеге үлкен және қайырымды адам тастап бара жатырмын ». Осы сөздерден соң Әминә көз жұмады. Сол кезде Хазіреті Мұхаммед (с.а.у) алты жасында еді. Үммү Әймән баланы алып, Меккеге оралады. Әке-шешесінен жетім қалған Хазіреті Мұхаммедті атасы Абдулмүттәлиб өз тәрбиесіне алады. Пайғамбарымыз екі жылдай атасының қолында болды. Абдулмүттәлиб өлер алдында немересін Пайғамбарымыздың немере ағасы Әбу Тәлибке тапсырып, оған жақсы қарауды өсиет етеді. Пайғамбарымыз сол кезде сегіз жасқа толған еді. Әбу Тәлиб пен зайыбы Фатима ханым балаға жақсы қарады. Оны өз балаларындай жақсы корді. Хазіреті Мұхаммед (с.а.у) қырық жасқа келгенде, оның бойынан кейбір өзгерістер байқала бастады. Азық-түлігін алып Мекке қаласына жақын Хира тауындағы бір үңгірге кетіп қалады. Осы жерде бірнеше күн жалғыз қалады. Үнемі дүниені жаратқан Аллаһтың ұлылығын ойлайды. Түсінде көрген өңінде де айна-қатесіз орындалып жатады. Ешкім көре алмайтын нәрселерді көреді. Бұл жағдай алты ай бойы жалғасады. Ұлы Аллаһ Тағала оны рухани тәрбиелей отырып, Пайғамбарлыққа дайындап жатқан еді. Хазіреті Мұхаммед (с.а.у) Милади жыл санауы бойынша 610 жылдың Рамазан айының дүйсенбі күні тағы да Хир тауындағы үңгірінде жападан жалғыз бар болмысын Аллаһқа арнап, тек қана Аллаһты ойлайлы. Сол кезде Жәбірейіл періште (аләйһиссәләм) оған көрініп:«Оқы!» дейді.Хазіреті Мұхаммед (с.а.у): «Мен оқу білмеймін»,- дейді.Жәбірейіл (аләйһиссәләм) екінші рет «Оқы» дейді. Хазіреті Мұхаммед (с.а.у) тағы да «Мен оқу білмеймін»,- дейді. Жәбірейіл (аләйһиссәләм) үшінші рет «Оқы» дегенде, Хазіреті Мұхаммед (с.а.у) «Нені оқин?»,- деп сұрайды. Сол кезде Жәбірейіл (аләйһиссәләм) Құран Кәрімдегі Алақ сүресінің Басындағы төмендегідей мағынаны білдіретін аяттарды оқытады: «Жаратқан Раббыңның атымен оқы, Ол адамды ұйыған қанмен жаратты. Окы! Ол Раббың аса ардакты. Қаламмен жазуды ол үйретті. Адамға білмегенін ол үйретті».Осылайша Хазіреті Мұхаммед (с.а.у) алғашқы уахи (тәңірлік хабар) келеді. Құранның аяттары түсе бастайды.Содан кейін періште көзден ғайып болады. Оқылған аяттар Пайғамбарымыздың жүрегіне жазлып қалғандай өз-өзінен оқи бастайды. Алғашқы уахидің ауырлығынан өзіне алған міндеттің ұлылығы мен жауапкершілік сезімінің әсерімен үйіне оралады. Алғашқы уахи әсерінен денесі дірілдейді. Жұбайы Хазіреті Хадишаға: «Мені бүркеп жапшы»,-деді де қатты ұйқыға кетті. Оянғаннан кейін басынан өткен оқиғаларды Хазіреті Хадишаға айтып береді. Хазіреті Хадиша оны жұбатып: «Мынау қуанышты хабар ғой, сабыр ет. Менің өмірім қолында болған Аллаһ атымен ант етемін, сіз осы үмметтің (халықтың) Пайғамбары боласыз. Ұллы Аллаһ Сізді еш уақытта жалғыз қалдырмайды. Өйткені сіз туысқандық құқықтарға құрмет көрсетесіз, сөзіңізде тұрасыз, адал, шыншылсыз, қиындықтарға төзіп, қонақтарды құрметтеп күтесіз. Басына күн туған адамдарға жәрдем бересіз. Мұндай құлын Аллаһ жалғыз тастамайды»,- деді. Бұл сөздер Хазіреті Хадишаның қаншалықты жоғары рухты әйел болғанын көрсететді. Ұлы Аллаһ ең соңғы Пайғамбар етіп таңдаған Хазіреті Мұхаммедке (аләйһиссәләм) өмірлік жолдас етіп осындай салиқалы әйелді нәсіп еткен. Міне,бұл да Аллаһ Тағаланың мархабаты екені айқын.Аллаһтың шақыруы бойынша сүйікті Пайғамбарымыз бір күні түнде Меккеде Харам мешітінен Құдыстағы Ақса мешітіне апарылып, ол жерден Жәбірейіл періштемен көкке көтеріліп, «Сидрәтулмунтәһа» деп аталатын жерге дейін көтеріледі. Пайғамбарымыз (с.а.у) Бұл жерден ары қарай барып, арада ешқандай дәнекер болмастан және құпия түрде перде арқасында Аллаһпен кездеседі. Бұл қасиетті сапардың Меккеден Құдысқа дейінгі бөлігі Исра, Құдыстан басталатын қалған бөлігі Миғраж деп аталады. Пайғамбарымыз бес уақыт намазды үмметіне Миғраж тартуы ретінде әкелген. Миғраж оқиғасы- Пайғамбарымыздың ең үлкен мұғжизаларының бірі. Хижреттен бір жарым жыл бұрын Рәжәб айының 27- ші түнінде болған.«Миғраж» сөздікте «жоғары көтерілу», ал «Исра» болса «түнде жүру» деген сөз. Мүминдер ешқандай күмән келтірместен Миғражды мойындайды және оған сенеді. Хазіреті Әбу Бәкірге миғраж оқиғасын айтып бергенде ол: «мұны Мұхаммед айтса, дұрыс», - дейді де, Пайғамбарымызды қолдайды. Осыдан кейін оған «мақұлдаушы, дұрыстаушы» деген мағынаны білдіретін «Сыддық» деген атақ беріледі. Ауруы күшейіп, халі әбден нашарлаған күндерінің бірінде асхабына былай дейді: «Сендер қайтадан маған қауышасыңдар. Кездесетін жеріміз- Кәусар хауызының жағасы. Кімде –кім менімен кездескісі келсе, қолы мен тілін кере емес істен, сөздерден аулақ ұстасын. Бұл дүниеден көшетін заманымның келгендігі жайында хабар келді. Аллаһқа қауышатыныма қуанамын. Бірақ үмметімнен айырылатын болғандықтан бір жағынан мұңаямын. Мен хабарымды алдым, Аллаһқа кетіп бара жатырмын».Өлерінен бұрын екі күн бұры асхабынан кейбіреулерінің жәрдемімен мешітке барады.Жайлап мінбеге шығады. Жүзін жамағатқа бұрып, былай дейді: «Ей, Мұсылмандар... Егер біреулеріңе жамандық істеген болсам, оның жазасын таруға әзірмін.-Кімде-кімді ұрған болсам, міне арқам, келсін ұрсын.-Кімнің менде алатыны болса,міне малым, келсін ақысын алсын».8-ші маусым, дүйсенбі күні таңертең Пайғамбарымыздың беті біраз бері қарағанда мешітке барады. Отырған жерінде Хазіреті Әбу Бәкірге ұйып, таңғы намазын жамағатпен бірге оқиды.Мешіттен үйге қайтып келгенде халі тіпті нашарлайды.Сол күні күн арқан бойы көтерілген уақытта: «Ей, Аллаһ, өлім қиындығына шыдайтындай жеңілдік бере көр. Жанымды қинамай ала кор» деп дұға етеді. Қасында бір ыдыста суық су болады. Басын суға батырып, жүзін салқындатады.Түске таман басын көтереді. Сұқ саусағын жоғары көтеріп: «Рәфиқул-ағлаға- Ұлы досқа» дейді. Соңғы сөзі осы болады. Аллаһ елшісі 63 жасында қасиетті рухын иесіне тәсілім етеді.
Материалды жүктеу (Скачать)
Авторы:
Журумбаева Меруерт Саматовна
Жарияланған уақыты:
2018-09-25
Категория:
Дінтану
Бағыты:
Мақала
Сыныбы:
10 сынып
Тіркеу нөмері:
№ C-1537896363
2222
333
444
555
666
7
888
999