«Биология және денсаулық»

Түсінік хат Биология – тіршілік пен тірі организмдерді зерттейтін ғылым, оның ішінде олардың құрылымы, қызметі, өсуі, шығу тегі, эволюциясы, таралуы және жүйеленуі. Биология бөлімдері биохимиядан, молекулалық биологиядан және генетикадан бастап физиология мен экологияға дейін кеңінен түрленеді. Факультатив сабақ бағдарламасының мақсаты: молекулалық генетика, жасушалық биология, биохимия, биофизика, биоинформатика әдістерін меңгерген, жаратылыстану және ақпараттық ғылымдар, ағылшын тілінен терең білімі бар, ғылым мен өндірістегі биологиялық бейіндегі зертханада алған білімдерін тәжірибелік іске асыруға қабілетті, отандық және шетелдік магистратураға түсуге қабілетті биология саласындағы мамандарды даярлау. Факультатив сабақ бағдарламасының міндеттері: • Биология бағыты бойынша болашақ мамандардың биологиялық және кәсіпкерлік қызметті жоспарлау, басқару дағдыларын меңгерген және бітірушіге қоятын талаптарын орындайтын негізгі кәсіби құзіреттіліктерін қалыптастыру. • Жеке және кәсіби іске асыру міндеттерін шешу және жаратылыстану және ақпараттық ғылымдарды тереңдетіп меңгерту. • Молекулалық биология, биохимия және биофизика әдістерін қолдана отырып, молекулалық генетика есептерін шешу. • Ғылыми-техникалық ақпаратпен жұмыс істеу, кәсіби қызметте отандық және шетелдік тәжірибелермен теориялық тұрғыда танысу, пайдалану. Осы білім беру бағдарламасы молекулалық генетика, жасушалық биология, биохимия, биофизика, биоинформатика әдістерін игеруге көмектеседі, жаратылыстану және ақпараттық ғылымдар жайлы шағын түсінік қалыптастырады.