Жас ұрпақ не нәрсеге ұмтылу қажет немесе қалай жастық шақты өткізу керек?

Жастық шақта сыни тұрғыдан ойлау мен өзіндік ойлау ерекшелігі дамиды. Ал жас адамның санасы үлкен ақпаратты жылдам игеріп қана қоймай, оны өңдеу қабілеттеріне ие. Егер жас ұрпақ осы қабілет пен қасиеттерді дұрыс қолданып, ақиқат жолымен жүрсе, арман-мақсаттарына жету қиын, әрі ұзақ емес! Қазір әлем бойынша жастардың өзін-өзі дамыту, болашақта жайлы өмір сүру үшін ерте есейіп, жұмыс істеу тенденциясы жүруде. Бірақ мұның барлығы ерте есеюге, жастық шақтың рахатын көруден бас тартуға алып келмейді ме? «Біз жас кезімізде көзіміз қайда түссе, сол жерге баруымыз керек. Күліп, ақылға қонымсыз дүниені жасап, жылап, басымызға сыймайтындай көп кітап оқып, мүмкіндігінше жақсы көріп, сүйе білуіміз қажет. Жәй ғана өмір сүріп көру керек.» Константи́н Серге́евич Станисла́вский - жүздеген жылдар бойы әлемде өте танымал болған әйгілі актерлік жүйені жасаған адам. Жағалау бойымен серуендеу, мектеп өміріндегі соңғы қоңырау мен соңғы вальс, мектеп бітіру кеші және, әрине, ең қызықтысы - студенттік өмір. Жастық шақ - жас кезіңді қызықты, әрі ұмытылмас сәттермен өткізу үшін берілген қымбат уақыт! Бірақ, жастық шақтың уақытша қуанышына мас болып, дұрыс жолдан адасып, «өзіңді», «мақсат-арманыңды» жоғалтып алуың мүмкін екенін де есте ұстаған жөн.