Жастар және болашақ: Бүгінгі ұрпақ қандай жол таңдайды?

Жастар және болашақ: «Бүгінгі ұрпақ қандай жол таңдайды?» Бүгінгі жастар – ертеңгі күшті ұрпақ. Олардың таңдауы болашақтың бағытын анықтайды. Қазақстан сияқты жас мемлекетте жастардың рөлі ерекше. Бірақ бүгінгі ұрпақ қандай жол таңдайды? Оқуға, жұмысқа, әлеуметтік желілерге бе, әлде нағыз мақсаттарға бағыттала ма? Бұл сұраққа жауап беру үшін жастардың өмірін қарастырсақ. Біріншіден, көп жастар оқу мен ғылым жолына түседі. Мысалы, менің сыныптастарымның көбі университетке түсуге дайындалады. IT, медицина, экология салалары қызықтырады. Себебі Қазақстан цифрлық технологияларға көшуде. Білім алсақ, жақсы жұмыс тауып, елге пайда келтіреміз. Бірақ кейбіреулер оқуды жеңіл қабылдап, смартфонға көп уақыт жұмсайды. Статистика бойынша, жастардың 70%-ы әлеуметтік желілерде тәулігіне 3 сағат өткізеді. Бұл уақытты оқуға жұмсаса, қаншалықты жақсы болар еді? Екіншіден, жастардың таңдауы экология және әлеуметтік мәселелерге қарай бет бұруда. Жасыл энергия, климат өзгерісі – бүгінгі тренд. Астанада жастар экологиялық акциялар ұйымдастырады.Бұл жол – жауапты жол. Себебі болашақта Жерді сақтау керек. Бірақ кей жастар ақша табу үшін тез байығу жолын таңдайды: криптовалюта, стримерлік. Бұл тәуекелді, өйткені көбі сәтсіздікке ұшырайды. Соңында, бүгінгі ұрпақ екі жол арасында: оңай өмір немесе қиын, бірақ мағыналы жол. Мен үшін дұрыс таңдау – білім мен еңбек. Абайдың «Ғылым таппай мақтанба» деген сөзі осыны растайды. Егер жастар патриоттық, жауапты болса, Қазақстан гүлденеді. Сондықтан, бүгінгі таңдауымыз ертеңгі келешегіміз!