Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

111
Біз Тәуелсіз елдің – ұрпағымыз!
Материал жайлы қысқаша түсінік: сынып жетекшіліктерге
Материалды ашып қарау
Біз Тәуелсіз елдің – ұрпағымыз!

Сабақтың тақырыбы: Біз Тәуелсіз елдің – ұрпағымыз!


Мақсаты: Оқушыларға аға ұрпақтардың ерлік істерін үлгі ете отырып, Отанын, елін сүюге деген патриоттық сезімдерге баулу. Тәуелзідікті сақтап, Отанды, елді, жерді қорғауға және көркейтуге деген жауап кершілік сезімдерін ояту. Жарқын болшаққа деген сенімдерін қалыптастыра, саналы да білімді азамат болуға тәрбиелеу.

Сабақтың көрнекілігі: нақыл сөздер, рәміздер, гүлдер,слайд, шарлар.

Сабақ түрі: Әдеби музыкалық кеш.
Жоспар: 1. Тарихқа шолу жасау
а) Тәуелсіздік жолында
ә) Желтоқсан жаңғырығы
2. Тәуелсіз Қазақстан

( Бірден Гимн орындалады)


Тәрбие сағатының барысы:

( Көңілді музыка ойналады, аққу киімін киген 4 оқушы ортаға аққу биін билеп шығады. Осы мезетте бірден шам өшіріліп, күңіренді музыка ойналып аққулардың үстін 2 оқушы қара мата жабады.Сол сәтте „Желтоқсан желі“әні орындалады, слайд қосылады.)

„Желтоқсан желі“ әні: Ә.Тінәлі, сөзі.А.Асыбек.
Сахынаның төрінде 20 оқушы қосылып хор айтады .
(ән біткеннен кейін бір ұл бір қыз қара матаның үстіне қызғалдақтар тастайды.Қара мата мен аққулар шығып кетеді.)

Жұлдыз
Қасқалдақ ұшып көлінен,
Шүрегей келіп қонған күн.
Қыранды қуып көгінен,
Қарғалар биік алған күн.
Айым:
Нашақор деп, қлтшыл деп,
Қазаққа күйе жаққан күн.
Базары кетіп бір күнде,
Қайғыға халық батқан күн.

Димаш:
Желтоқсаным- неге сонша қатал едің жастарға,
неге аямай жастардың басын ұрдың тастарға.
Бізге керек қазақ басшы деп жиналған алаңға,
Құрттай жанын әр жастардың аттандырдың аспанға.

Желтоқсаным неге сонша ызғарлы едің бұл күні,
Неге бұздың ұйқылардың қазағымның әр түні.
Аналары айрылды ғой туған балаларынан,
Апалардың естіледі зар жылаған ащы үні.
Мақсат:
Желтоқсанға жиналды ғой, көп қазақтың баласы,
Не боларын білмеді ғой, сол күндері жастарым.
Ойламады боларын, жан желтоқсанның - жарасы,
Неге ғана кірленді екен желтоқсан- ақ парағы.

Желтоқсаным неге қанға боялттың сен алаңды,
Неге аямай сабадың қазақ деген балаңды.
Елім менің жерім деп еңіреген жастар ғой,
Желтоқсан-ау неге сонша жаулап алдың санамды?

Қара бауыр қасқалдақ
(Ән орындалып жатқанда ортада қолында бір тал қасқалдақ гүлі бар қыз би орындап жатады Слайдтан көріністен үзінді көрсетіледі. )
Адия:
Қызғалдақ-ғұмыр қиылды,
Қаһарман қызы қазақтың.
Арын таптатпай өтті ару,
Қыршын жасында аз-ақ күн.
Енді туды ғой ел болып,
Аңсап өткен ол азат күн.
Ұмытпас атын ұрпақтар
Жарқ еткен жұлдыз Ләззаттың.

Айым:
Өзегі – толы өрт болған,
Жүрегі – шерлі дерт болған.
Елімді азат етем, - деп,
Ерлерге лайық серт болған.
Бойына рухы бабаның
Қасиет болып кеп қонған.
Халқының көріп қайғысын,
Көкірегіне кек толған.
Жалтақ боп қалған еліме
Жастар болады, - деп, - қорған.
Ақжазықтан ұшқан аққу ең,
Алматыға келіп, мерт болған.
ДАРИНА:
Арналып оған алтын-жыр,
Аңыз қып атын халқым жүр.
Ерлігін Ләззат қызының
Ел болып бүгін айтып жүр.
Алтынай сынды анасы
Азабын әлі тартып жүр.
Жиырма бес жыл бойы жоқтаумен
Үкіметке үміт артып жүр.
Алайда, кейбір керауыз
Таратты сыбыс салқын бір:
Алаңда болған жоқ ол, - деп,
Аузына келгенді тантып жүр.

Азиза:
Тіл менен дінім, діл үшін –
Бағалы бізге бәрі үшін.
Асанова Ләззаттың
Ақ періштедей ары үшін.
Ешкім де мазақ қылмасын
Елімнің асыл арысын.


Көзінен жасы бұршақтап,
Көңілінен қайғы моншақтап;
Қаншама ұлан қаза боп,
Қара жамылды ел сол шақта-ақ.
Желтоқсан – менің жеңісім,
Алинур:
Желтоқсан – менің жалыным,
Жел болып соққан сарыным.
Алысамын деп алаңда,
Жығылған жастың жанымын.
Төбемнен ұрып шоқпарлар,
Төгілген мұзға қанымын.
Алқымға келіп тіреліп,
Айтылмай қалған әнімін.
Зая боп еткен еңбегім,
Қайратым менен қарымым.
Желге ұшқан асау алымым,
Жер құшқан асыл дарыным.
Қазақстаным менің! деп,
Қар құшқан қайран тәнімін.
Батырбек:
Жанарынан ұлттың жас болып,
Топыраққа түскен дәнімін.
Қайраттың қайсар жырымын,
Ләззаттың әппақ арымын.
Кебінге ораған ерімді
Кебенек ішінен таныдым.
Ансар:
Желтоқсанда ащы аяз боп,
Жендеттің бетін қарыдым.
Ашылмаған соң ақиқат,
Арызымды айтып, налыдым.
Қара жерге көмілді-ау
Талай да тарлан алыбым.
Қан менен терге шомылған
Қазақтың асқақ жанымын!
Халқым деп соғар жүрегім,
Сөнгенше соңғы жарығым!..

Томирис:
Тәуелсіздік жолы оңай жол емес, бұл жолда сан мыңдаған адамның арманы мен тағдыры тәлкекке түсті. Біздің еліміз бүгінгі күнге сондай қиын-қыстау, даңқты жолдардан өтіп келіп отыр. Сондықтан да, тәуелсіздігіміздің мәні өзгеше, бағасы теңдессіз. Ендеше тәуелсіздігіміздің тұғыры әрқашан биік болсын.
Айдана:
Тәуелсіздік жолында!
Талай, талай тер тамған
Билігіміз қолыңда-
Еркіндігім- Елтаңбам

Құт, береке шаңырақ
Орын алған ол төрден.
Қанатты қос арғымақ
Екі жақты көмкерген

Алижан:
Айнымайды аспаннан
Біздің тудың бояуы
Оны халық қашанда,
Биікке іліп қояды

Көк байрақтың бетінде
Қыран бүркіт қанатты
Сол қыраңдай еркіндеп,
Бала өседі талапты

Айаулым:
Қара мынау ғажапқа,
Теңдік тиді қазаққа.
Езгідегі ұрпағың,
Енді айналмас мазаққа.
Елдар:
Өзіңдікі елің де,
Өзіңдікі жерің де.
Өзіңді өзің еткен бақ,
Тәуелсіздік төріңде.

Томирис:
Рухы биік, даңқы шоқпардай Ескендір Хасангалиевтың әні екінші Қазақстан Республикасының гиміні болып орындалып жүрген Атамекен әні шырқалмақ.


Ерлан:
Елге деген ып-ыстық сезімімді
Жетесіне жеткізген – Тәуелсіздік.
Бодандыққа бор болған төзімімді
Қыл көпірден өткізген – Тәуелсіздік

Өз елім, өз жерім деп өзек өртеп,
Өршіл рух сыйлаған да Тәуелсіздік.
Сананы улағанда сансыз ертек,
Одан есті жинаған да Тәуелсіздік.

Жулдыз:
Қасқайып қаза атын жүз қайталап,
Жүрек отын тұтатқан – Тәуелсіздік.
Мойын бұрса еліме түз, шартарап,
Арқасы ол – құты артқан Тәуелсіздік.

Тәу етіп, тізе бүгіп, тәуба қылдым,
Бар бақ-дәулет өзіңсің – Тәуелсіздік.
Көкіректер көзін аш, Күндей нұрлым,
Ояулар аз, сөзім-шын, тәуелсіздік

ФАТИМА:
2-жүргізіші: Қазақстанды шет елдер танып, құрметтеп үлгерді. Бұл тұңғыш Президентіміз Нұрсұлтан Әбішұлы Назарбаев атамыздың арқасы. Көп ұлтты мемлекетті басқару оңай емес.Ел ағаларына қарап, өскенде өз елімізге, жерімізге бір пайдамыз тисе деп ойлаймыз.



1- жүргізуші Сабина;
Тәуелсіздік 27 жасқа толған күн,
Мерекесі қазағымның ең ұлы.
Мемлекетім дербестігін алған күн
Бәрінен де ардақ тұтар ел мұны

Оралып оралмандар Отанына
Қазақ саны күн сайын өсіп жатыр
Күрмелген ана тілдің мәселесін
Тәуелсіздік ақылмен шешіп жатыр

Тәуелсіздік биі ( қыздар)

2-жүргізуші. Елдар
Жаса мәңгі, Тәуелсіздік ұраны
Шарықтасын қазағымның жыр әні
Отанымның туын көкке көтерер
Мен боламын ұлы елімнің Ұраны

1 –жүргізуші
Димаш:
Жеттік баққа тәуелсіз ел атанып
Береке мен бірлігіміз болғасын
Жиырма жылдық мерекеде қуанып
Болар ұлың жүректен жыр толғасын

Хор Егемен елім
( оқушылар арнайы дайындалған көгершінге жазылған сөздерді қонақтарға таратады)

2-жүргізуші: Мінеки құрметті көрермендер ”Біз тәуелсіз елдің- ұрпағымыз ” атты тәрбие сағаты өз мәресіне жетті.
1-жүргізуші: Қазақ халқы мұндай қасіретке жолықпасын дей отырып, өздеріңізбен қоштасамыз.
Бірге: Зейін қойып тыңдағандарыңызға көп рахмет!














Материалды жүктеу (Скачать)
Авторы:
Максимова Фарида Тохтахуновна
Жарияланған уақыты:
2019-11-09
Категория:
Қосымша білім беру
Бағыты:
Тәрбие сағаты
Сыныбы:
7 сынып
Тіркеу нөмері:
№ C-1573291673
2222
333
444
555
666
7
888
999