Ашық сабақ Киелі киіз үй 7 сынып. Қазақ тілі

7 «А» сыныбында өткізілген «Киелі киіз үй» сабағы «Рухани жаңғыру» бағдарламасын негізге алып жоспарланды. Шығармашылық жұмыс тапсырмасында: Апырай! Туған жер - ай! Теңдесер кім? Бұл жерге сен болмасаң келмес едім. Кіндігімді байлаған қазағым - ай Сен болмасаң бұл маңды көрмес едім, -деп ақындарымыз туған жерін өлең -жырына қосса, ал Елбасы Н. Назарбаев «Рухани жаңғыру» мақаласында Туған жер тақырыбын ерекше бағытқа бөліп, қарастырып отырғаны түсіндірілді. Осыны негізге алып, төмендегі жұмыстар «Туған жер» тақырыбын ашуға беріліп отырғандықтан тақырыпты толық ашу талабы қойылды. І. «Туған жерім – құт мекенім» тақырыбында эссе жазу;(Фразеологизмдерді қатыстырып жазу) ІІ. «Туған жерге» арнау өлеңдерін шығару; ІІІ. Әр оқушы өз туған жерінің табиғатын суреттеп, әңгіме жазу.(Фразеологизмдерді қатыстырып жазу) Берілген тапсырмалар толық орындалды. Оқушылар «Екі жұлдыз, бір тілек» арқылы кері байланыс беріп, сабақ қорытылды.