Бала жүрегіне жол табушы кемеңгер

Заман ағын су сияқты,бір орында тұрмайды. Ал, бұл заманның балалары судан да жылдам, ақпаратты тез қабылдайды. Бала- мөлдір су. Сіз сол суды лайлап алмауыңыз үшін көп еңбек етуіңіз қажет. Цифрлық сауаттылық шарықтап тұрған шағында бала жүрегіне жол табу бүгінгі күннің психолог мамандарына оңай емес әрине. Бала жүрегіне жол табушы, педагогикалық білімі терең кемеңгер болып қалу үшін де бұл күнде үлкен жауапкершілік пен сабырлылық керек. Біздің жұмыс барысында, тәжірибемізде әр түрлі диагнозбен балалар кездеседі. Әр бала жеке көзқарасты талап етеді.Жеке көзқарас бұл әжептеуір үлкен жұмыс. Әрине бұл жерде сізге тек сабыр жолдас бола алады. «Сабыр - бақыт кілті» деп халық даналығында айтылғандай ата -аналардың қылықтарына төзімділік таныта отырып өз біліміңізді шыңдау арқылы ғана бала жүрегіне жол таба аласыз. Ол үшін әрине сізге білім берудің мақсаттары мен міндеттеріне негізделген оқыту мен оқу әдістерімен жұмыс жасап қана қоймайсыз. Жан- жақты ізденесіз, талпынасыз. Бұл білім кезеңі психологтың дамыту жұмыстарына мән беру және оны жоспарлау арқылы өткізу, балаға түсінікті ойындарға қатысты сұрақтарды өз алдына шешу жолы болып табылады. Балалармен жұмыс өте қызықты болғанымен, өз қиындығы жетерлік. Баланы жәй нәрсемен қызықтыру мүмкін емес.