Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Діни білім берудің мақсаты мен міндеттері
Материал жайлы қысқаша түсінік: Медресе студенттеріне арналған
Материалды ашып қарау


Дәріс жоспары №1

Топ13-11-81



Дәрістің өткізілетін күні







Пән аты: Ислам ілімдерін оқыту әдістемесіОқытушы: Кулжанов ТемурбекДәріс хана: №_______________Дәрістің түрі: Теориялық сабақ (Жаңа сабақ)Оқыту әдісі: Шаттық шеңберДәрістің тақырыбы: Діни білім берудің мақсаты мен міндеттеріДәрістің мақсаттары: Білімділік: Оқушыларға діни білім берудің мақсаты мен міндеттерін баяндау, соған қатысты мәселелерді түсіндіру, олар туралы түсінік бере отырып меңгерту. Дамытушылық: Оқушылардың діни білім берудің мақсаты мен міндеттері туралы түсініктерін қалыптастыру, логикалық ойлау, зейінділік пен белсенділік іс-қимыл қабілеттерін дамыту, шығармашылық іскерліктері мен дағдыларының қалыптасуына жағдай жасау. Тәрбиелік: Оқушыларды жауапкершілікке, әрбір көрнекі құралдарды ұқыпты пайдалануға тәрбиелеу. Пәнаралық байланыстар: 1. Құран2. Хадис 3. ФиқһДәріске қолданылатын көрнекі құралдар: Интерактивті тақта, аудио-бейне материалдар, мәтіндер

Дәріс барысы

І. Ұйымдастыру кезеңі (5 мин): Оқушылармен сәлемдесу, дәрісхана тазалығын тексеру, оқушыларды түгелдеу, оқушылардың назарын сабаққа аударту.

ІІ. Жаңа сабақты түсіндіру жоспары (45 мин): 1. Ислам ілімдеріне қандай ілімдер жатады?2. Білім алушыларға қойылатын талаптар? 3. Педагогика сөзінің мағынасы қандай? 4. Технология сөзінің тілдік мағынасы қандай?5. Ислам ілімдерін оқыту әдістемесі?6. Діни білім берудің міндеттері? 7. Ілімдерді оқыту барысындағы жас ерекшеліктері?8. Ислам дінін жаюдағы жетістіктері қандай еді?9. Саяси әлеуметтік жағдай қалай болды?10. Негізгі әдістерін баяндаңыз?

ІII. Жаңа сабақты бекіту (20 мин):1. Құран кәрім кітабында бұл туралы не айтылған? 2. Алға қойған мақсаттары жайлы баяндау.3. Ерекше мән берілетін жайттар?4. Хадистерде бұл жайлы не делінген?5. Осы кезеңнің жалпы мағынасы. 6. Жаңа технологиялар деген не? 7. Білім беруді ізгілендіру деген не?8. «Діни білім беру» сөзі туралы түсіндіру. IV. Сабақты қорытындылау және бағалау (10 мин): Оқушыларды сұрақ-жауап арқылы қорытындылап, тапсырмаларды орындау дәрежесіне қарай білімдерін бағалау.

V. Үй тапсырмасы (10 мин): Осы жайлы базалық түсінік қалыптастырып, жан-жақты түсіндіріп беру.(тест сұрақтарын құрастыру).

Қолданылатын әдебиеттер:

Әдебиеттер тізімі

1.Негізгі әдебиет
  • Құран Кәрім
  • Сахих әл-Бухари хадистер жинағы, Алматы, 2008.
  • Ислам және өнеге, Қ.Бағашар, Алматы, 2014.
  • Дін мен дәстүр, Е. Малғажыұлы, Алматы, 2014.


  • 2.Қосымша әдебиет
  • Пайғамбарлар қиссасы, С.Ибадуллаев, Алматы, 2010.
  • Ислам ғылымхалы, Қ. Жолдыбайұлы, М. Исаұлы, Алматы, 2011.
  • Адамзаттың асыл тәжі, Д.Өмірзаққызы, Алматы, 2013.




  • Оқытушының қолы: _____________________

    Кафедра меңгерушісі: __________________

    Әдіскер: _____________________________





























    Діни білім берудің мақсаты мен міндеттері

    Ертеңін ойлаған елдің белі қашан да бекем келеді. Діни басқарма елдегі мұсылман халықтың діни насихатшысы, ақырет пен бұл дүние таразысының тең ұстаушысы, имам тұрғысынан да мұсылман жұртшылықтың рухани көш бастар жетелеушісі болғандықтан, ең алдымен алғашқы сөзін Алланың атынан, онан соң, ілімнен, білімнен, сол білімге деген жүйелігімен, ілгерілігімен бастауы керек. Кешегі Кеңес заманында біздің ел нендей жаман зұлымдық күйге ұшырамады, не көрмеді? Мың жылдық тарих, мың жылдық мұсылмандық құндылық аяққа тапталып, күллі хат танитын сауатты, көзі қарақты молдалар мен имамдар, ғұламалар мен мұғалімдер мұсылман болғаны үшін, əлемнің Жаратушысын танығаны үшін итжеккенге айдалып, сол жақта сүйегі көмусіз қалған жоқ па еді?! Біздің ата тарихымыз, құндылығымыз, мұра, жəдігерлеріміз тұтастай жоғалып, күйреген жоқ па еді?! Міне, сол жоғымызды қайта түгендеп, барымызды көбейтуге атсалысқанымызға да көп болған жоқ. Ал, елдегі дін қалай түзелмек, Сириядағы дін атын жамылған қара ниеттілердің кебін киюге елімізде кейбір жастар неге құмар? Оны терең барлап қарағанға дін деген жалаң уағыз, жалаң сөз емес. Дін деген ілім, ғылым, ар-ұят, əдептілік, мəдениет. Əрине, сол жастар осыны түсіне алмады. Неге дегенге келсе, олар дінді жете тани алмады, көлденең көк аттылар оларды қағып, қапсырып кете алуға мүмкіндіктері болды. Міне, соның жолын діндегі ілім ғана тоса алады. Дін дегеніміз құдайлық заңдылықтар жинағы дейтін болсақ, сол заңдылық ілімнен тұрмақ. Ендеше, бүгінгі жастарға жүйелі ілім беру үшін медреселер, институттар, ғылыми орталықтар, университеттер қажет. Ең əуелгісі, əрине, медреселер. Медресе дегенде көп адам ойлайды, тек діни ілімдерді ғана алады деп. Жоқ, олай емес, соңғы ғасырларға дейін мұсылман елдеріндегі медреселерде діни іліммен қатар, жаратылыс білімдері де оқытылып келді. Задында, діни ілім Алланың кəлəм-сөз сипатынан келген болса, жаратылыс білімдері сол Хақ тағаланың құдірет сипатынан келген білімдер еді. Əсілінде, осы екі кітап қосылып оқылғанда ғана мұсылман баласы Құдай тағаланың кітабын да, Өзін де терең тани алмақ. Міне, бұл тұрғыдан біздің еліміздегі медреселердің мемлекет жағынан қолдау көрсетіліп, ресми бекітіліп, колледж тəрізді оқу орындарына айналуға бет алғандығы мені қатты қуантады. Мұны осы тұжырымдамада да кеңінен айтылып өткен. Екінші бір айтарым, қазір исламға күйе жағылып, дін атын жамылған террорлық іс əрекеттің өршіп тұрған кезі. Ал, мұның алдын қалай алу қажет, қайтсе мұны тоқтатуға болады, міне, осы тұрғыдан да бекітілген тұжырымдаманың рөлі өте зор. Дін атын жамылған экстермизмнің түбіне балта шабудың бірден бір жолы – тағы да ілім. Елің сауатты болса, жастардың көзі қарақты болса, ақ пен қараны, жалған мен ақиқатты өз санасымен саралап, өлшей алатын болса, ондай елді жау алмайды. Зұлқарнайынның қола мен мыстан қорған құйып, Яжуж бен Мəжужді тоқтатқанындай, жас ұрпақтың санасын ілім мен діннің ақиқатымен толтырса, кім, қай содыр біздің ілім қақпасын бұза алмақ. Иə, осындай естігеннің көңілін толтыратын тұжырымдалар жаралы жанға қашан да дəрудей дарымақ. Діни білім беру саласының өзектілігі ешбір заманда кеміген емес. Мемлекетіміз діни білім беру саласындағы мəселелердің оңтайлы шешілуіне, дін саласындағы тұрақтылыққа мүдделі. ҚМДБ тарапынан қабылданған осы тұжырымдама діни білім беру саласындағы жүйелілікті, бірізділікті қалыптастырады деп бағалаймыз. Тұжырымдаманы орындау екі кезеңге бөлініп отыр. Бірінші кезең 2016-2018 жылдарды қамтыса, екінші кезең 2019-2020 жылдарға арналған. ҚМДБ 2020 жылға дейінгі діни білім беру тұжырымдамасында ислами білім беру саласын 7 сатыға бөлген: 1.Діни сауат ашу мен Құран сүрелерін жаттау курстары; 2. Діни оқу орындарына талапкерлер əзірлейтін дайындық курстары; 3.Діни оқу-тəрбие процесін жүргізетін Қайырымдылық мекемелері; 4. Құран кəрім сүрелерін кəсіби тұрғыда жатқа оқуды үйрететін қарилар дайындау орталықтары; 5.Техникалық жəне кəсіптік білім беретін медреселер; 6.Жоғары оқу орны жəне жоғары оқу орнынан кейінгі діни білім беретін оқу орындары.7. Имамдардың білімі мен біліктілігін жетілдіру институты. Тұжырымдамада əрбір сатының ерекшеліктері мен міндеттері ашылып көрсетілген. Бір сатыдан екіншісіне жоғарылаған сайын діни білім беру бағдарламасы да күрделеніп отырады. Ислами білім берудің мақсаты – азаматтардың діни сауаттылығын көтеру, өз дінінің практикалық міндеттерін орындауға баулу. Тұжырымдамадағы діни білім беруге қатысты мақсат-міндеттер дін дүниетанымын арттырғысы келген азаматтарға жəне болашағын діни саламен байланыстырған жандарға да жəрдемдеседі. Сонымен қатар, тұжырымдамада білім беруші мен білім алушыға қойылар талаптарды да нақтылы сипаттаған. ҚМДБ осы тұжырымдаманы қабылдай отырып, болашақтан күтілетін бірқатар нəтижелерді белгілеп отыр. Біз солардың ішіндегі маңыздыларына тоқталып өтсек: Біріншіден, діни білім беру саласы барлық азаматтарға қолжетімді болуы қажет. Жасыратыны жоқ, бұл күнде қарапайым азаматтарға қажетті діни сауат ашу курстары өз деңгейінде жүріп жатқан жоқ. Кей имамдар өз қызметін мектеп жасындағы балалармен ғана шектеп, ересектер назардан тыс қалады. Діни білім берудің үгіт-насихаты жоғары деңгейде ұйымдастырылып, барлық жастағы азаматтарды қамтығаны жөн; Екіншіден, ислами білім беру ошақтары бəсекеге қабілетті болуы тиіс. Өзіміздегі ислами оқу орындарын аздық етіп, кейбір азаматтарымыз шетел асып кетіп жатады. Тұжырымдамада азаматтардың шетелде діни білім алуын біртіндеп шектеп, болашақта діни білімді өз елімізде ғана жүргізу міндет етіп қойылған. Бұл жайтты еліміздегі бірқатар дінтанушы мамандар кезінде ескерткен болатын. Мұны құптарлық бастама деп бағалаймыз. Осы нəтижеге жету үшін өз еліміздің ислами білім беру орындарының сапасы жоғары болуы тиіс деген ойдамыз. Əйтпеген жағдайда шетелге қарай ағылған отандастарымыздың екпінін тоқтата алмаймыз; Үшіншіден, біз дінтанушы маман ретінде діни білімнің зайырлы біліммен өзара үйлескенін қалаймыз. Яғни, ислами білім ошақтарында қазіргі ғылым жетістіктері де ескерілгені жөн. Медреселерді колледж деңгейіне көтеру бастамасын өте орынды деп есептейміз; Төртіншіден, тұжырымдама аясында имамдардың білімі мен беделін көтеру де мəселе етіп қойылған. Қазіргі идеологиялық күрес алаңында жеңіліс таппас үшін дəстүрлі дін қызметкерлерінің біліктілігі жоғары деңгейде болуы тиіс.
    Материалды жүктеу (Скачать)
    Авторы:
    Кулжанов Темурбек
    Жарияланған уақыты:
    2020-03-21
    Категория:
    Басқа
    Бағыты:
    Сабақ жоспары
    Сыныбы:
    Басқа
    Тіркеу нөмері:
    № C-1584788273