мақала"Ыбырай - туған жердің азаматы"

«...Бастасаңыз Аллалап, Оқымаған жүреді, Қараңғыны қармалап...» деген екен Қостанай облысының тумасы, ұстаздардың атасы Ыбырай Алтынсарин. Жалпы, қазақ даласын оқуға және білімге шақырған ұстазымыз, елімізде білім көздері болған алғашқы мектептерді ашқан, дүниедегі байлық, мал, бақыт тек оқу-білім екенін өсиет еткен ұлы педагог-ағартушы Ыбырай Алтынсарин – туған жердің, біздің жерлесіміз. Даласы кең Қостанай аймағына білім қаймағын шайқап, педагогикалық ғылымның негізін қалап, майын құйған нағыз данышпан десе де болады. Өзі ұйытқы болған оқу-білімнің төріне тек бай балалары емес, кедей балаларын да шақырған. Көзі ашық көкірегі ояу болашақ тәрбиелеудің қайнар көзін ашқан туған жеріміз Қостанайдың перзенті, дарабоз да дархан, тарихи тұлғамыз балалық шағын атасы Балқожамен өткізеді. Атасы сол кездегі қыпшақ руының рубасшысы, ауылдың әкімі, сауатты да беделді, әрі бай болған ірі қайраткер ретінде танымал болған. Сол атасынан адалдық, тапқырлық пен әділдіктің жолдарынан тәрбие көрген Ыбырай шешен болып өседі. Оны атасы Балқожаның өзімен бірге ертіп алып, небір шешімі қажет жиындарға қатыстырып, билік айтқызуынан қанатын қатайды деп түсіндім.