Қауіпсіздік ережесі. Төменгі сөре және сөрелік екпін

Ұстаздық – бұл жай ғана мамандық емес, бұл адам өміріне бағыт-бағдар беретін, рухани байлық сыйлайтын, жүректен шыққан ұлы қызмет. Ұстаз – білім мен тәрбиенің шамшырағы, қоғамның дамуына тікелей әсер ететін тұлға. Оның еңбегі көзге көрінбесе де, нәтижесі – елдің болашағы. Ұстаз болу – үлкен жауапкершілік. Әрбір оқушының жүрегіне жол тауып, оның қабілетін ашу, өмірге деген көзқарасын қалыптастыру – ұстаздың басты міндеті. Бұл жолда сабыр, мейірім, талапшылдық пен әділдік қажет. Ұстаздың әрбір сөзі мен ісі – шәкірт үшін үлгі.

Педагог болу — бұл мамандық емес, бұл миссия. Бұл жүректің таңдауы, рухтың жолы. Бұл — әрбір баланың жан дүниесіне үңіліп, оның ішкі әлемін тануға ұмтылу. Бұл — білім беріп қана қоймай, үміт сыйлау, қанат бітіру, болашаққа сенім ұялату. Ұстаз — уақыттың үнін естіп, ұрпақтың тілегін сезінетін тұлға. Ол — тарих пен болашақтың арасындағы көпір. Әр сабағы — шырақ, әр сөзі — шындық, әр әрекеті — үлгі. Педагог болу — күн сайын өзіңді жаңарту, өзгені дамыту, қоғамды тәрбиелеу.

Адал еңбек пен еңбекқорлық мәдениетін кеңінен насихаттау мақсатында «Еңбегі адал жас өрен» жобасы жүзеге асырылады. Жоба еңбек адамының мәртебесін көтеруге, еңбек культін дәріптеуге бағытталады. Жоба шеберінде білім алушылардың кәсіптік бағдарын анықтауға қолдау көрсетуді, өз міндетін адал және жауапкершілікпен атқаруға баулуды және еңбек адамын құрметтеуге үйретуді көздейді. Білім алушыларға өзіне жүктелген міндетті орындау үшін барын салып еңбек ететін білікті маман нағыз еңбек адамы екендігін дәріптеуді қажет етеді. Нағыз еңбек адамы әр ісіне, әр қадамына жауапкершілікпен қарайтын, өзегінің еңбегін бағалайтын адал азамат екендігін түсіндіру қажет. Жоба шеңберінде атқарылатын іс-шаралар мазмұнында білім алушыларға өз уақытын дұрыс, тиімді жоспарлау, қаржылық сауаттылық, шешім қабылдау, мақсатты әрекет ету дағдыларын дамытуға бағытталуы қажет. Жас ұрпақтың бойында еңбекқорлықтың арқасында жетістікке жеткен адамдардың беделін арттыру арқылы еңбекке деген сүйіспеншілікті қалыптастыруды және қоғамдағы әлеуметтік инфантилизмді азайтуды, өмірде табандылықпен жетістікке жеткен табысты адамдардың үлгі-өнегелерін құруды көздейді. Бүгінде білім алушыларды еңбекті құрметтеуге баулу компьютерлік ойындарға деген құмарлықты, жалқаулықты жеңуге, лудомания дертін азайтуға ықпал етеді. Ұлы Абай: «Еңбек - қуаныш, жалқаулық - айырылмас азап» деген. Еңбек пен адам бір-бірінен бөлінбейді. Еңбек адамды жануарлар әлемінен жоғары деңгейге көтерді, оның физикалық дамуына ғана емес, ақыл-ойы мен рухани дамуына да ықпал жасайды. Еңбек адамның тұлға ретінде қалыптасуы, оның өзін-өзі анықтауы, өмір бойы бүкіл қоршаған әлемді біртіндеп танумен байланысты. Қазіргі әлемдегі мектепте де еңбекке баулу мәселелері өзектілігін жоғалтқан жоқ. Соған байланысты бүгінгі таңда қоғамда ғылымның заманауи жетістіктері мен ұлттық дәстүрлерін ескере отырып, еңбек тәрбиесін жаңарту қажеттілігі туралы мәселе туындайды.