Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

Қазақстан Республикасында білім беруді және ғылымды дамытудың 2016 – 2019 жылдарға арналған МЕМЛЕКЕТТІК БАҒДАРЛАМАСЫ
Материал жайлы қысқаша түсінік: «Біздің болашаққа барар жолымыз қазақстандықтардың әлеуетін ашатын жаңа мүмкіндіктер жасауға байланысты. ХХІ ғасырдағы дамыған ел дегеніміз – белсенді, білімді және денсаулығы мықты азаматтар» деп елбасы жолдауында көрсеткендей Қазақстан Республикасында білім беруді және ғылымды дамытудың 2016 – 2019 жылдарға арналған мемлекеттік бағдарламасының да негізгі өзекті мақсаты бәсекеге қабілетті тұлға қалыптастыру болып табылады. Мектепте осы бағдарламаны жүзеге қалай асырып жатырмыз сол туралы тәжірибе бөліскелі отырмыз. Бұл материалда осы бағдарламаны мазмұнды түрде түсінікті қарапайым тілмеген жүзеге асыру жоладыр туралы айтылады.
Материалды ашып қарау


























Қазақстан Республикасында білім беруді және ғылымды дамытудың 2016 – 2019 жылдарға арналған МЕМЛЕКЕТТІК БАҒДАРЛАМАСЫ



Уалибаева Айгуль Сагинбаевна





















































Алматы облысы, Іле ауданы, Қараой ауылы 2018 жыл

І.Кіріспе

«Біздің болашаққа барар жолымыз қазақстандықтардың әлеуетін ашатын жаңа мүмкіндіктер жасауға байланысты. ХХІ ғасырдағы дамыған ел дегеніміз – белсенді, білімді және денсаулығы мықты азаматтар» деп елбасы жолдауында көрсеткендей Қазақстан Республикасында білім беруді және ғылымды дамытудың 2016 – 2019 жылдарға арналған мемлекеттік бағдарламасының да негізгі өзекті мақсаты бәсекеге қабілетті тұлға қалыптастыру болып табылады. Бағдарламаның басты мақсаты:Экономиканың орнықты дамуы үшін білім берудің және ғылымның бәсекеге қабілеттілігін арттыру, адами капиталды дамытуМақсаттары:мектепке дейінгі сапалы тәрбие мен оқытуға тең қол жеткізуді қамтамасыз ету; сапалы орта білім беруге тең қол жеткізуді қамтамасыз ету, зияткер, дене бітімі және рухани жағынан дамыған, табысты азаматты қалыптастыру; техникалық және кәсіптік білім алу үшін жағдайлар жасау арқылы жастарды әлеуметтік-экономикалық интеграциялау; экономика салаларын жоғары және жоғары оқу орнынан кейінгі білімі бар бәсекеге қабілетті кадрлармен қамтамасыз ету, білім беруді, ғылымды және инновацияларды интеграциялау; ел экономикасының қарқынды әртараптануы және тұрақты дамуы үшін ғылымның нақты үлесін қамтамасыз ету.Қойылған мақсатқа қол жеткізу үшін бағдарлама орта білімге қатысты мынадай міндеттерді шешу қажет:
  • Педагог кадрларының сапалық құрамын жақсарту және педагог кәсібінің беделін арттыру;
  • педагогтер кәсібінің беделін және олардың сапалық құрамын арттыру;
  • орта білім берудің инфрақұрылымдық дамуын қамтамасыз ету;
  • орта білім берудің мазмұнын жаңарту;
  • мектеп оқушыларының бойында «Мәңгілік Ел» жалпыұлттық патриоттық идеясының рухани-адамгершілік құндылықтарын және салауатты өмір салты мәдениетін қалыптастыру;
  • орта білім беру менеджментін және даму мониторингін жетілдіру;
  • бәсекеге қабілетті кадрларды сапалы даярлауды қамтамасыз ету;
  • Бағдарламаның өзектілігі: Жоғары сапалы білім беруге қол жеткізіп, әрі оны тұлғаның, қоғамның және мемлекеттің өзекті де, өміршең қажеттілігіне сәйкестендіруПроблемасы:1.Мектептердің инфроқұрылымын дамыту жеткілікті деңгейде емес.   2. Оқытудың инновациялық технологиялары толық көлемде қолданылмайды. АКТ-ға қол жеткізу мүмкіндігі шектеулі.3. Оқытушылардың біліктіліктерін арттыру, кадрлық құрамның кәсіби құзіреттілігінің төмендігі.4.Оқушылардың жетістіктерін сырттай бағалау (PISA,Timss, ОЖСБ) төмен көрсеткіш көрсетуі;5. Робот құрастыру және техника үйірмелері, IT-алаңдар, жас туристер мен жас натуралистер бірлестіктерінің желілері жеткіліксіз. 6. Мұғалімнің кәсіби өсуінің тетіктері әзірленбеген. Педагогтің кәсіби құзыреттілігін дамытудың тұжырымдамалық моделі енгізілмеген; Ол үшін : Мектептегі білім берудің жаңа кезеңінде инфақұрылымдық шешімдерді, ресурстық және әдіснамалық жаңартуды жылдамдату, «үздік», «нашар» мектептер арасындағы алшақтықты азайту тетіктерін әзірлеу, "Мәңгілік Ел" жалпыұлттық идеясының қағидаттарын ескере отырып тәрбиелеу жағын күшейту қажет.

    Негізгі идеясы: мемлекеттік бағдарламаны іске асыру тұрғысынан жалпы білім беру жүйесін жаңғыртуды қамтамасыз етуге бағытталған. Жүзеге асырудың мақсаты мен міндеттері:
  • Сапалы орта білім беруге тең қол жеткізуді қамтамасыз ету,
  • Зияткер, дене бітімі және рухани жағынан дамыған, табысты азаматты қалыптастыру;
  • Заманауи басшының рөлі мен миссиясы, жеке тұлға ретінде және кәсіби тұрғыдан өзін-өзі жетілдіру, мұғалімдердің кәсіби дамуына қолдау көрсету;
  • Бәсекеге қабілетті кадрларды сапалы даярлауды қамтамасыз ету;
  • Білім берудің және ғылымның бәсекеге қабілеттілігін арттыру, адами капиталды дамыту;
  • Көшбасшылық пен басқару, стратегиялық жоспарлау;
  • Кәсіби және әлеуметтік әріптестік орнату;


  • Жобамызда алған тақырыптың, яғни осы бағдарламаның мақсаттарын қалай жүзеге асыратын боламыз? деген сұраққа жауап іздеп көрейік

    ІІ. Теориялық бөлім

    «Айналамыздағы әлем қалай тез өзгертетін болса, еліміз бен қоғамамыз да солай жылдам өзгеруге тиіс» деп Н.Назарбаев атап көрсеткендей әлем жаһандық сын-тегеуріндер кезеңінде өмір сүруде. Бұл жаңа технологиялық жетістіктер мен инновацияларды енгізу, IT-технологиялардың қарқынды дамуы және адам ресурстарының ұтқырлығы.      Осы жағдайда білім және ғылым өзгерістердің алдыңғы қатарында тұруы тиіс. Әлемнің жетекші экономикалары жоғары деңгейдегі адам капиталы есебінен ғана өркендеуге қол жеткізуде. Оған жаңа білім беру стратегиялары мен саясаты ықпал етеді.      Қазақстандық білім беру мен ғылым жүйесін жаңғыртудың заманауи кезеңі 2016-2019 жылдарға арналған баңдарлама әрбір адамның сапалы мектептегі білімге қолжетімділігін, жаңа кәсіби дағдыларды алу, зерттеу және шығармашылық құзыреттерін дамыту мүмкіндіктерін көздейді.      Адамның бәсекеге қабілеттілігі ұлт жетістігінің факторы болып табылады. Сондықтан әрбір қазақстандық жаңа жаһандық сын-тегеуріндерге, заманауи технологияларға, еңбек нарығының өзгермелі талаптарына және жаңа кәсіптерге табысты бейімделу үшін қажетті құзыреттілікке ие болуы қажет.     Проблемаларды шешу дағдылары, сыни ойлау, креативтілік, эмоционалдық интеллект басты қасиеттер болады. Сондықтан білім беру жүйесі белсенді, шығармашыл, сыни, талдамалық тұрғыда ойлай алатын, бұрынғы белгісіз проблемаларды шешуге, өзгерістерге тез бейімделуге, жаңаны құруға қабілетті креативті адамдарды дайындауға шоғырлануы тиіс. Сондай-ақ функционалдық, ІТ сауаттылық, ағылшын тілін білу, адамгершілігі мол азаматтық кемелдену де маңызды.      Білім беру жүйесінің жаһандық ортаға интеграциялануын есепке ала отырып, ұлттық кодты сақтаумен қоса, еліміздің мәдениетін ескеруіміз қажет.      Сондықтан патриоттық тәрбиенің ерекшелігі білім алушыларда белсенді азаматтық ұстаным мен өзінің үлкен және кіші отанының тарихына, мәдениетіне, салт-дәстүрлеріне деген құрмет сезімін қалыптастыру болмақ.      Бақытты және қорғалған балалық шақты қамтамасыз ету Қазақстан Республикасының негізгі ұлттық басымдықтарының біріне айналды.      Қазақстан Республикасының заңнамасында барлық санаттағы балалардың құқықтары мен заңды мүдделерінің қорғалуын қамтамасыз ету бойынша шаралар көзделген.    2011 жылы қабылданған "Ғылым туралы" Қазақстан Республикасының Заңы алдыңғы қатарлы ғылыми жетістіктер үшін жаңа мүмкіндіктер ашты.      Қазақстандық ғылымды экономика мен бизнестің мүддесі үшін дамыту "Ғылыми және (немесе) ғылыми-техникалық қызмет нәтижелерін коммерцияландыру туралы" Қазақстан Республикасының Заңында белгіленген.Жастардың ерекше мәртебесі және оларды мемлекеттік қолдау жаңа "Мемлекеттік жастар саясаты туралы" Қазақстан Республикасының Заңында белгіленген.     Сол арқылы жаңа білім беру стратегиялары мен ғылыми жетістіктерді іске асыру үшін негіз жасалды.     Бағдарлама әлемдік жетекші трендтерді ескере отырып, "100 нақты қадам" Ұлт жоспары негізінде әзірленді.      Бағдарламада белгіленген мақсаттар мен міндеттер осы Бағдарламаға қосымшаға сәйкес Қазақстан Республикасында білім беруді және ғылымды дамытудың 2016 – 2019 жылдарға арналған мемлекеттік бағдарламасын іске асыру жөніндегі іс-шаралар жоспарына сәйкес іске асырылуда.Бүгінгі білім беру сапасы- қоғамымыздың ертеңі. Сапа өздігінен келмейді, оған жетудің жолдарын қарастыру қажет. Ол үшін: 1. Негізгі мақсатты анықтау. 2.Жеке тұлға сұранысын қанағаттандыру. 3. Жетістікке жету жолдарын іздестіру 4. Білім сапасын қамтамасыз ету. 5. Мамандардың кәсіби білімділігін арттыру. 6. Нәтижені талдау және бағалау

    ІІІ. Тәжірибелік бөлім     Бағдарлама да көрсетілген орта білімнің нысаналы бес индикаторы арқылы бағдарламаның мақсатын жүзеге асыруды басшылыққа аламыз :
  • Педагог кәсібінің беделін және олардың сапалық құрамын арттыру.
  • Орта білім берудің инфрақұрылымдық дамуын қамтамасыз ету.
  • Орта білім берудің мазмұнын жаңарту.
  • Мектеп оқушыларының бойында «Мәңгілік Ел» жалпыұлттық патриоттық идеясының рухани-адамгершілік құндылықтарын және салауатты өмір салты мәдениетін қалыптастыру.
  • Орта білім беру менеджментін және даму мониторингін жетілдіру.


  • Әр индикатор көрсеткішіне тоқталып, мектептегі тәжірибемізбен байланыстырайық. 1. Педагог кәсібінің беделін және олардың сапалық құрамын арттыру. *Педагогикалық кадрлар мен қамтамасыз ету және педагогикалық кадрларды даярлау. *Біліктілік арттыру курстары (тілдік, пәндік, АКТ, роботатехника, ЖББ, онлайн, Blended lerneng, т.б). *Педагог кадрларды жаңа форматта аттестаталуы (педагог- модератор, педагог-зерттеуші педагог-сарапшы, педагог-шебер). *Мұғалім өздігінен білім алу, өзін-өзі жетілдіру, кәсіби құзіреттелігін арттыру. *Деңгейлік курстан өткен мұғалімдер, тренерлер, мектеп үйлестірушілер, көшбасшылар. Мұғалімнің кәсіби құзыреттілігі саласы жаңа тәсілдер аясында кеңеюде. Ол – пәнаралық және жобалық қызмет, оқыту мен басқаруда ақпараттық-коммуникациялық технологияларды пайдалану, білім беру қажеттіліктері ерекше оқушыларды интеграциялау және ата-аналарды консультациялық сүйемелдеу бойынша мектепте жүйелі жұмыстар жүргізілуде. Мұғалімнің кәсіби даму форматы әлдеқайда кең. Ол курстарға, семинарлар мен конференцияларға барумен ғана шектелмейді. Тиімді кәсіби даму оқыту мен практиканы қамтиды. Дәйекті қолдау көрсету көзделген. Мектеп базасында жұмыстан қол үзбей біліктілікті арттыру қолданылады. Қашықтықтан оқыту курстарына мектебіміздің ұстаздары көптеп қатысуда. 2018 жылы ұлттық біліктілік тест нәтижелері бойынша санатты беру және/немесе растау кезінде педагогикалық шеберлік үшін мұғалімнің лауазымдық айлықақысына қосымша ақының жаңа желісі (30 %-дан 50 %-ға дейін) енгізілді.2. Орта білім берудің инфрақұрылымдық дамуын қамтамасыз ету. Бұл салада авариялық жағдайдағы мектептердің орнына мектеп салу, сондай-ақ үш ауысымды мектептерді жою туралы айтылады.
  • Үш ауысымды мектепті шешу жолдары:1. Мектеп салу 2.Қосалқы ғимарат салу
  • Мультимедиялық кабинет, модификациялық кабинет, IT класс, мультимедиялық лингафонды кабинет, SMART технологияларының енгізілуі.
  • Инклюзивті білім беру: дефектолог, логопед, психолог.
  • Ерекше білім беру қажеттілігі бар балаларды инклюзивті ортада қолдау қамтамасыз етілуде.3. Орта білім берудің мазмұнын жаңарту. Жаңартылған білім беру мазмұнының стандарты жиынтығы функционалдық сауаттылықты қамтамасыз ететін дағдылардың бірі. Сондықтан оқу бағдарламалары жаңа технологияларды, ғылыми инновацияларды, математикалық модельдеуді дамытуға бағытталған STEM-элементтерді (ғылым) қамтитын болады деп бағдарламада көрсетілген. Демек мектепте: .
  • Жаңартылған білім беруге кезең кезеңімен көшу
  • 5 күндік оқу аптасына көшу
  • Ағылшын, информатика енгізілді.
  • Физика, химимя, информатика, биология пәнін ағылшын тілінде оқыту (пилоттық мектеп, үйірме сағаттары)
  • 5-11 сыныптарда жазғы тіл мектебі ұйымдастырылыды
  • Қазақстан TIMES, PIRLSA,PISA халықаралық зерттеулерге дайындық жүргізілуде.
  • Мектебімізде 2017 – 2018 оқу жылы жаңартылған білім мазмұнына 2, 5, 7-сыныптар көшті, 2018-2019 оқу жылында 3,6,8 сыныптар көшіп, білім алуда.  Мектеп жаңартылған білім мазмұнымен қатар бес күндік оқыту аптасы енгізілді. Сонымен қатар Жаңартылған білім мазмұнын енгізу шеңберінде үш тілде оқытуға кезең-кезеңімен көшуге және жеке пәндерді ағылшын тілінде оқытуды енгізу мақсатында жоғарыда көрсетілген пәндер бойынша мұғалімдеріміз тілдік курсқа барып білімдерін жетілдіріп келді.XXI ғасырда мемлекеттік мектептер жүйесінде жұмыс істейтін мұғалімдер Қазакстан жастарына жаһандық оқушыларға айналуға көмектесе алуы үшін олардың кәсіби біліктілігін арттыру болып табылады. Күтілетін нәтижелер: мұғалімдердің өз оқушылары тәуелсіз, мақсатқа ұмтылғыш,өзін жігерлендіре алатын,сенімді,жауапкершілігі мол және сын тұрғысынан ойлай алатын оқушы болуға ықпал ететін білім беру үдерісінің бір бөлігі ретінде оқушыларға “қалай оқу керектігін үйрену”қабілетін меңгеруге көмектесу үшін жеткілікті көлемде хабардар болуы.»  Сондықтан бүгінгі күні білім берудегі заманауи тәсілдердің ерекшелігі – оқушыларға тек қана дайын білімді беріп қоймай, оны өздігінен қолдана білуге дағдыландыру маңызды.4. Мектеп оқушыларының бойында «Мәңгілік Ел» жалпыұлттық патриоттық идеясының рухани-адамгершілік құндылықтарын және салауатты өмір салты мәдениетін қалыптастыру.
  • «Мәңгілік Ел» патриоттық идеясы енгізілген (жобалар: Туған жерге тағзым, балалар әлеміндегі игі істер, қазақтың жүз әні т.б)
  • Ата-аналар қоғамдастығын үйірмелерге тарту, мектепті басқаруға қатыстыру.
  • Мектептің өз дәстүрі , ұстанымы, мәдениеті бар.
  • Оқушылардың бос уақытын тиімді пайдалануы (спорт секциялары, үйірмелер, аулалық клуб, т.б)
  • Оқушылардың өзін-өзі басқаруы (оқушылар қоғамдастығы: акция,экскурсия, саяхат, іс-шаралар, жас құтқарушы, жас көмекші)
  • Мектеп оқушыларының бойында "Рухани жаңғыру" қоғамдық сананы жаңғырту шеңберінде рухани-адамгершілік құндылықтарды және салауатты өмір салты мәдениетін қалыптастыру мақсатында мектепте әр түрлі іс-шаралар өтіп, әр түрлі жобалар өз жалғасын табуда. Мектепті дамыту бойынша жүргізілетін жобалар атап айтсақ «Жас ата-аналар мектебі» жобасы, «Қазақтың жүз әні» жобасы, «Көп оқып,көп білуге ұмтыл»жобасы, «Балалар әлеміндегі игі істер», «Ата-ананың жұмыс орнындағы үш күн»жобасы, «Туған жерге тағзым» жобасы, «Баламның денсаулығы-менің болашағым», «Әр оқушы бір гүл» осы аталған жобалар мектептің дәстүрін, мәдениетін қалыптастыруда. 5. Орта білім беру менеджментін және даму мониторингін жетілдіру.
  • Көшбасшылық пен менеджмент
  • Желілік қоғамдастық
  • Қамқоршылық кеңес
  • Ата-ана мектеп оқушы
  • қоғамдастығының бірлескен жұмысы
  • Мектептегі Lesson study, іс-әрекетті басқару
  • Мектепті дамыту жоспары
  • «Мұғалім мен директор арасындағы сенімнің орнауына және оның үнемі болуына мән беру керек. Мұғалімдер бәрінен де көшбасшылық бөлінетін,жауапкершілік ортақ болып табылатын және директор мен орта буын көшбасшылары,мұғалімдер командасы,жеке мұғалім арасында бөлінетін командада өте жақсы жұмыс істеп,жақсы нәтиже көрсетеді. Мектепте деңгейлік курсты бітірген қоғамдастық құрылған. Әр қоғамдастық мүшелері жеке қоғамдастық құрып, жоспар бойынша жұмыс атқарды.«Ата-ана үні», «Мұғалім үні», «Оқушы үні» жобасы бойынша ата-аналар,мұғалімдер,оқушылар өз пікірін ашық жазып білдіріп, апта соңында сараптау жұмыстарын жүргізіп отырады. Ата-ананы мектепке тарту мақсатында «Ата-ана мектептің қамқоршысы» бұрышы жасалды. Сыныптағы қамқоршы, демеуші ата-аналарға тілек,алғыстар жазуда, өз ата-аналарына жылы,сөздерін тілектерін арнаған жүректер ілінген. Бұл ата-анамен мектеп арасындағы байланыс, ата-ана мәртебесін көтеру болып табылады. «Балалар әлеміндегі игі істер , «Жан жылуы»жобасы аясында әлеуметтік педагог үйде оқитын, әлеуметтік жағдайы төмен отбасындағы балалармен жұмысты жүргізеді. «Жас ата-аналар » қоғамдастығының, «Қыран» өзін-өзі басқару бойынша оқушылар қоғамдастығы мектеп, оқушы, ата-анамен тығыз байланыста жұмыс жасайды.Балалар мен жасөспірімдер қозғалыстарымен, оның ішінде "Жас ұлан", "Жас қыран" қоғамдастығына қамтылған оқушылар мектепке айтарлықтай өз үлестерін тигізуде.ІҮ. ҚорытындыҚорыта келгенде, Білімді сауатты адамдар бұл ХХІ – ғасырдың нағыз қозғаушы күші деп елбасымыз атап көрсеткендей бағдарламаның жүзеге асыра отырып, «Табысты мектеп-мінсіз оқушы» деген ұранмен біздің мектеп оқушыларымыз  келешекте еліміздің әлеуметтік – экономикасының дамуына өзіндік үлес қоса алады деген сенімдеміз. Сол мақсатқа жету үшін мектебіміздің даму жоспарымыздың  іске асыруына әр ұстаздың  өз үлесін қосуын  оның  қасиетті міндеті деп санаймыз. Сондықтан табысты мектеп:
  • Өз мәдениеті, өз дәстүрі,өз ұстанымы бар мектеп
  • Зияткер, дене бітімі және рухани жағынан дамыған, табысты азаматы бар
  • Сын тұрғысынан ойлана алатын, мақсатқа ұмтылғыш өзін жігерлендіретін, креативті, коммуникативті, өмір бойы оқуға бейім шығармашыл тұлға тәрбиелейтін мектеп
  • Бәсекеге қабілетті кадрлары бар мектеп
  • Кең ауқымды 6 дағды қалыптастыратын біліктілігі жоғары мұғалімі бар
  • Ұжымды бір мақсатқа жұмылдыратын, стратег,мықты ұйымдастырушылық қабілеті бар, табысты көшбасшысы бар мектеп
  • Кәсіби құзыреттілігі жоғары педагогтары бар
  • Қоғамдастықмен, жұртшылықпен,әлеуметтік серіктестікте жұмыс істейтін
  • Ата-ана, мұғалім, оқушы тығыз байланыста жұмыс істейтін мектеп табысты мектеп болатынына сенімдіміз.




  • Пайдаланылған әдебиеттер:
  • Қазақстан Республикасында білім беруді және ғылымды дамытудың
  • 2016 – 2019 жылдарға арналған мемлекеттік бағдарламасы
  • Оқытудағы интербелсенді әдіс-тәсілдер 2014ж ПШО
  • Қазіргі мектепті басқару Алматы -2016 Тәуірбекова С.Ж
  • Басшыға арналған нұсқаулық «НЗМ» ДББҰ ПШО 2015ж
  • Қазақстан Республикасының Президенті Н.Ә.Назарбаевтың Қазақстан халқына Жолдауы.
  • Білім мазмұнын жаңарту аясында оқушылардың функционалдық сауаттылығын дамыту Алматы-2017
  • Ғаламтор материалдары






  • Материалды жүктеу (Скачать)
    Авторы:
    Уалибаева Айгуль Сагинбаевна
    Жарияланған уақыты:
    2019-02-06
    Категория:
    Директорға
    Бағыты:
    Мақала
    Сыныбы:
    Басқа
    Тіркеу нөмері:
    № C-1549444378
    333
    444
    555
    666
    7
    888
    999