Авторлық материал жариялағаныңыз
туралы сертификатты тегін алу үшін
+
Материал жариялау
БАҚ (СМИ) жариялаған соң номер беріліп қорғалады
Сертификатты (құжатты) тексеру

«Балаңа қарап, болашақ ұрпақты ойла!»
Материал жайлы қысқаша түсінік: Мақсаты: 1. Ата –ананың балаға белгілі уақыт бөлуін қалыптастыру. 2. Бала тәрбиесіндегі мектеп пен отбасы ынтымақтастығын нығайту. 3. Отбасылық құндылықтарды нығайту арқылы, үлгілі баланы қалыптастыру 4. Бүгінгі тақырып бойынша, ата- ананың санасында жақсы әрі жаңа пікір қалыптастыру Міндеті: 1. Баланың бойына тәрбие атты рухани байлықты бірлесе отырып беру. 2. Бала тәрбиесіндегі ата - ананың рөлін ашу; 3. Қазіргі уақытта бала қандай тәрбиеде бара жатқанын көрсету. 4. Алдағы уақытта оқушыларды тәрбиелеуде мектеп, мұғалім мен ата – ананың бірігіп жұмыс жасау керектігін түсіндіру. Керекті құралдар: Проектор, Үлестірмелі қағаз, қалам, слайд, алдын –ала дайындалған түрлі қажетті көрнекіліктер. Әдіс – тәсілдер: Сұрақ – жауап, «Тренинг», Ой бөлісу, Баяндама, Пікір алмасу
Материалды ашып қарау
Мұнайлы ауданы, Басқұдық ауылы,№ 14 жалпы орта білім беру мектебінің Математика пән мұғалімі Келесбай Жанар ЛесбекқызыАта – аналар жиналысы (8- сынып)Тақырыбы: «Балаңа қарап, болашақ ұрпақты ойла!»Мақсаты:
  • Ата –ананың балаға белгілі уақыт бөлуін қалыптастыру.
  • Бала тәрбиесіндегі мектеп пен отбасы ынтымақтастығын нығайту.
  • Отбасылық құндылықтарды нығайту арқылы, үлгілі баланы қалыптастыру
  • Бүгінгі тақырып бойынша, ата- ананың санасында жақсы әрі жаңа пікір қалыптастыру
  • Міндеті:
  • Баланың бойына тәрбие атты рухани байлықты бірлесе отырып беру.
  •  Бала тәрбиесіндегі ата - ананың рөлін ашу;
  • Қазіргі уақытта бала қандай тәрбиеде бара жатқанын көрсету.
  • Алдағы уақытта оқушыларды тәрбиелеуде мектеп, мұғалім мен ата – ананың бірігіп жұмыс жасау керектігін түсіндіру.
  • Керекті құралдар: Проектор, Үлестірмелі қағаз, қалам, слайд, алдын –ала дайындалған түрлі қажетті көрнекіліктер.Әдіс – тәсілдер: Сұрақ – жауап, «Тренинг», Ой бөлісу, Баяндама, Пікір алмасуЖиналыс барысы1. Ұйымдастыру кезеңі:Ата аналарға жылы шырай танытып, сәлемдесу2. Кіріспе:1. Жиналысты бастауын ескертіп, жиналыс мақсатын айтуКіріспе сөз. Мұғалім:Қош келдіңіздер, құрметті ата – аналар! Ең әуелі сіздерді көріп отырғаныма қуаныштымын! Әрбір адамның өмірінде маңызды орын алатын құнды қасиет тәрбие екенін жасыра алмаймыз Бұл тақырып төңірегінде қанша тоқталмайық десек те, жас ұрпақ кандай тәрбиеде өсіп барады? – деген сұрақ әрбір ата-ананың санасында тұр. Шындығына келетін болсақ, қазіргі таңда, көбіміз таңертең жұмысқа кетіп, кешке үйге жұмыстан шаршап келіп балаларымызға қарауға уақыт болмай жатады. Ал, баланың не істеп жүргенін, не тамақ жеп жүргенін мектепке барып, келып жатқанын телефон арқылы біліп отырамыз. Бірақ баланың телефоннан көз алмай, жатса да, тұрса да қолында қысып ұстап жүретіні менің жанымды ауыртады. 1-жасар кішкентай сәбидің өзі телефонды бер деп жылағанын көрген кезде, «Мына жас ұрпақ не болып барады? ...» -деп ұзақ ойланып қаламын. Сондықтан да бүгін сіздермен «Балаңа қарап, болашақ ұрпақты ойла» деген тақырыпты қозғап отырмын.«Әркім өз жолын тауып  кететіндей  бала тәрбиесі  жеңіл  нәрсе  ме? Жоқ. «Бала тәрбиесі – өнер, жеке бір ғылым иесі болуды тілейтін өнер», — деген екен М.Жұмабаев. Шындығында да, баланы дұрыс өсіру, жеке бір тұлға етіп, рухани байлықты бойына сіңдіріп тәрбиелеудің өзі даналықты талап етеді. Тәрбие  арқылы  адам  тағдыры  шешілетінін, оның  білімді  тұлға  болып  қалыптасатынын, елдің  берік  тірегі  болатынын  көрсетеді. Балалар  тәрбиесіне,  келер ұрпақ  тәрбиесіне  қай  кезеңде  болса  да,  қай  елде, қай  ұлтта  болмасын  үлкен  мән  берілген  ғой Өйткені  бала – біздің  болашағымыз. Ол үшін балаларды жаман, жақсы деп бөлмей, бірлесіп, аяғынан нық тұруға көмектесу керек. Нашар бала болмайды. Бау-бақшаны баптап, күтіп суарсаң ғана жемісіне кенелесің. «Адамның адамшылығы –ақыл, ғылым, жақсы ата, жақсы ана, жақсы  құрбы, жақсы  ұстаздан  болады.» - деп  А. Құнанбаев ұлы ақынымыз айтқан. Сондықтан, баланың теріс мінездерін үнемі қадағалап, түзету – қоршаған ортаның, яғни ата-ана мен мектептің міндеті.

    3. Қызығушылығын ояту. Ата –аналар сіздерге қызықты тренинг өткізбекпін. Сондықтан белсенді болып, өз ойларыңды ортаға салып отырсаңыздар. Шарты: Сыныптағы әрбір оқушылардың есімдерін бір ақ беттің жоғарғы жағына жазып, оның астына баланың мектеп қабырғасында жүргендегі мінез- құлқын жазып қоямын. Жазылған парақтарды жақын сөйлесіп жүрген достар бойынша бөліп, түрлі -түсті конверттерге салып алдын –ала дайындап қоямын. Ата –аналар өз балаларының аты- жөні қай конверттен шығады, сол бойынша топ –топ болып отырады.Біріншіден, баласының кіммен дос екенін және оның ата анасымен танысады.Екіншіден, жазылған мінез-құлықты оқып, баласының үйдегі мінез –құлқымен салыстара отырып өз ойларын айтады.
  • «Ой бөлісу» (шағын видео-ролик көрсетіледі)
  • https://youtu.be/R9Vh_px1E, https://youtu.be/A0B50NF4LTM Ата –аналармен өз көрген-білгендерін, іштей ойланып жүрген сұрақтарын ортаға тастап, жалпылама талқыланады. 6. Баяндама. («Тату отбасы - бақытты балалар» -деп ата аналарға Отбасылық құндылықтарды нығайту - Қазақстанның мемлекеттік саясатының басым бағыттарының бірі екенін баяндаймын. Және осы баяндаманың шығартырылған түрін әр бір ата- анаға ұсынамын.)Бүгінгі таңда ғасырлар қойнауында қалыптасқан ұлттық тәрбиені, озық өнегелі дәстүрлерді, адамгершілік асыл қасиеттерді жастар бойына қалыптастыруда, оны ұтымды пайдалану аса маңызды міндеттердің біріне айналып отырғаны даусыз. Сондай-ақ, ұлттық мәдениеттің, әдебиеттің, тілдің, халықтық педагогиканың тағдыры мен болашағы да мектептегі жас ұрпақ тәрбиесіне байланысты.Отбасының беделін арттыру және дәстүрлі отбасылық құндылықтарды нығайту – бұл ата-ананы құрметтеу, ана болу, әке болу, құрмет пен сенім, отбасылық мәселелерді мәмлемен шешу т.с.с. үздік отбасылық дәстүрлердің негізі.Отбасылық құндылықтарды нығайту кезіндегі ата –ананың міндеттері:
  • Өз баласына кішкене күнінен бастап әр адамның өмірінде отбасының маңыздылығын түсіндіру, бала отбасының кез келген жағдайда келуге болатын орын екенін: бұл жерде сені түсінетінін және қолдайтынын, жасаған қателігіңді жөндеуге көмектесетін, болашақта қателікке ұрынбауға үйрететін орын екенін ұғынуы тиіс.
  • Баланың қызығушылықтары мен жас ерекшілігін ескере отырып, онымен ортақ демалыс ұйымдастыра білу.
  • Жұмыс аса қауырт болған күннің өзінде, күн сайын балаңызбен және ата- анаңызбен сырласу, оларға махаббатыңды сездіру үшін уақыт табу қажет екенін ұмытпа.
  • Жалпыұлттық, сонымен қатар, отбасылық дәстүрлерді сыйлау және қолдау.
  • Өз балаңыз үшін дос, кеңесші, қорған болыңыз!
  • Мемлекеттің отбасын нығайту және отбасылық құндылықтарды ілгерілету мәселесіне баса назар аударуының көрінісі бес күндік оқытуға көшу және үй тапсырмаларының көлемін қысқарту болып табылады.
  • Бұл ата- аналарға балаларының жан – жақты дамуы үшін жағдайлар жасауға - сенбіде тілдік курстар, спорттық секциялар және басқа да дамыту іс – шараларын ұйымдастыруға;
  • Сенбіде бала отбасылық құндылықтарды бойна сіңіру үшін отбасы болып әңгіме – дүкен құруға көмектеседі.
  • Болашақ отағасына жағымды адамгершілік қасиеттер- еңбекқорлықты, шыдамдылықты, жұмсақтықты, ұқыптылықты, кішіпейілділікті, адалдықты дарыту арқылы болашақ отағасын кішкене күннен бастап өсіру қажет.
  • Бала отбасын құрметтеу және бағалау үшін, ата-ана өзінен бастау керекЕгер отбасында береке болмаса, күйеуі мен әйелі үнемі ұрысатын болса, баласы үшін уақыт таппаса, балаға дәл осындай отбасы қалыпты, дұрыс болып көрінеді. Есейген соң, ол да қорыс –керіс пен жанжалды жағдайда өмір сүретін болады. Және ата –анасымен араласуға, оларға қамқорлық танытуға уақыт таппайды.Бұл жерден шығатын қорытынды: өз балаң үшін отағасының жағымды үлгісі болуға тырысу қажет! Өз жақындарыңды жақсы көру, оларға қамқор болу, көңіл бөлу, адалдықты сақтау, алғыс айта білу, отбасылық дәстүрлерді көзіңнің қарашығындай сақтау қажет.7. Қорытынды.«Ананың ізін қыз басар, атаның ізін ұл басар» - демекші, бүгінгі жасап жатқан әрбір ісіміз, болашаққа үлгі. Әрбір ата- ана ұмытпауы керек: оның өмірі, оның мінез – құлқы - бұл бала үшін үлгі. Уақыт кері қайтпайды, бірақ сіздің бәрін жаңадан бастауыңызға болады. «Ата –ананың тәрбиесі- алты ғасырға мұра» сондықтан да, әр кез өз балаңызға қарағанда, болашық ұрпақты ойлай жүріңіз. Балаларыңыздың жақсы болғанын қалайсыз ба- ол үшін жақсы тәрбиеші болу аз. Жақсы адам болыңыздар!
    Материалды жүктеу (Скачать)
    Авторы:
    Келесбай Жанар Лесбекқызы
    Жарияланған уақыты:
    2019-06-26
    Категория:
    Сынып жетекшісі
    Бағыты:
    Ата-аналармен жұмыс
    Сыныбы:
    Барлығы
    Тіркеу нөмері:
    № C-1561537040
    333
    444
    555
    666
    7
    888
    999