"Отбасы-өмір аясы" ашық сынып сағаты 3 "А" сынып

Тәрбие сағат мақсаты: Ата - аналар мен тәрбиеленушілерді сайысқа қатыстыра отырып, олардың халық ауыз әдебиеті, салт – дәстүрі туралы білімдерін байқау, отбасы – Отанның бір бөлшегі екендігін ұғындырып, тәрбиеленушілерді ынтымақ пен бірлікке, татулық пен ұйымшылдыққа тәрбиелеу Түрі: сайыс Барысы 1 - жүргізуші: Атамыз қазақ «Бала – адамның бауыр еті», «балалы үй - базар» дейді. Өйткені бала – өмірдің жалғасы, отбасының жеміс берер гүлі. Отбасы – бұл қоғамның негізі. Баланың болашақта жақсы азамат болып өсуі үшін, жан – жақты тәрбиелі болуы отбасында берілетін тәрбиеге тікелей байланысты. 2 - жүргізуші: Армысыздар құрметті ата - аналар мен оқушылар! Бүгінгі біздің «Отбасы – өмір аясы» сайысына қош келдіңіздер! «Отан отбасынан басталады» деп жатамыз. Жанұяның береке – бірлігі әр сәбидің, әр баланың болашақ қадамы. Өйткені, ұяда не көрсең, ұшқан да сонны ілесің. Отбасы – ол да бір шағын ғана мемлекет. Отбасы тіршілігінің ежелден қалыптасқан заңы бойынша, оны отағасы, ол болмаса, от анасы, одан қалса, үлкен аға не әпке басқарады, олардың сөзін, ұйғарымын өзгелерді жерде қалдырмайды. Бүгін міне осы отбасы арасындағы татулықты, дәстүрді, өнерді жалғастырып келе жатқан отбасылар бар. Олай болса, осы сайысымызға қатысатын 3 «А» сынып оқушылары мен ата – аналарды ортаға шақырайық.