«Заманауи ағылшын жазушыларының стильдерінің ерекшеліктері» шет тілі пәнінің оқыту әдістемесі

Қазіргі қоғам сұранысына сай білімді, шығармашылықпен жұмыс жасайтын, өзін-өзі дамытып жетілдіре алатын жеке тұлға тәрбиелеуге аса назар аударылуда. А. Байтұрсынов өзінің «Мектеп деректері» еңбегінде былай деп жазды: «.....Мұғалім қандай болса, мектеп, пән сондай болмақшы. Яғни мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі-білімді, педагогика, методикадан хабардар, жақсы оқыта білетін мұғалім». Дүниежүзілік ақпараттық білім беру кеңістігінің құрылуымен, әлемдік ғаламдану процесінің жеделдеуімен байланысты егеменді еліміздің білім беру жүйесін модернизациялау бағытында ауқымды іс-шаралар жүргізіле бастады. Заман өзгерісіне қарай мектептерге қойылатын талап та ондағы оқыту және тәрбиелеу әдіс-тәсілдері де өзгерді. Жұмыстың мақсаты: Ағылшын жазушыларының шығармаларын оқыту арқылы оқушыларға шетел тілін оқыту әдістемесі. Зерттеу обьектісі – Қазіргі заманғы шетел жазушыларының еңбектері. міндеттері: 1. Жалпы білім беретін орта мектептерде шет тілін оқытуда шетел жазушыларынң еңбектерін пайдалануды теориялық тұрғыдан негіздеу; 2. Жалпы білім беретін орта мектептерде шет тілін оқытуда шетел еңбектерін пайдаланудың бүгінгі жағдайы мен мүмкіндіктерін анықтау; 3. Жалпы білім беретін орта мектептерде компьютерлік бағдарламалардың, шет тілінде сөйлеуге, жазуға, тыңдауға және түсінуге үйрету үдерісінде пайдалану мүмкіндіктерін көрсету. Негізгі объектісі шет тілі оқу үрдісі болса, пәні ретінде жалпы білім беретін мектептерде шет тілі пәнінің әдістемесі болып табылады. Қолданылған әдістер: 1. Тақырып бойынша педагогикалық, әдістемелік еңбектердің зерделенуі; 2. Іріктелген материалдардың анализі.